Il es importante saper que non tote parolas non trovate in le dictionarios
de Gode o alteros es simplemente "inventate".  Il ha parolas compatibile con
le principios de interlingua que esseva inexplicabilemente excludite del
dictionarios, e certe usatores, sapiente iste principios, usa tal parolas.
Le IED equalmente contine multe particulas que non esseva constatate con
le methodos de IALA que esseva includite solmente pro servir un objecto
ecumenic. Multe tal particulas ha devenite popular.  Mais illos non es bon
"interlingua".

Io time que il va haber alcun differentias de attitude verso le lingua
de personas in differente culturas.  In alcun culturas, le lingua es
regulate formalmente per un academia.  In le mundo de anglese le anglese
es regulate per usage e ration, un processo democratic.  Le francese
adora lor academia, mais parla nonobstante como peccatores qui falle
adherer se al dece commandamentos.  Le francese de Paris non es le
francese del Academie Francais.  Mais in le historia de interlingua Dr.
Gode esseva opponite al establimento de un Academia pro regular le
lingua. Interlingua se basa super principios etymologic, e qualcunque
persona qui pote saper tal principios, pote determinar le formas correcte.
De plus, ille diceva que in certe casos su lista de methodos supplementari
pro constatar solutiones quando le regula de tres non produce un
solution, esseva designate pro functionar simultaneemente.  E ille
credeva que a vices il va haber multiple solutiones, que pote esser
tractate como synonymos que inriccar le lingua.

Le practica aqui in interlng es le tolerantia.

Stan Mulaik