JJB wrote:
>citante Piet Cleij:
> Ab Focsani
> > Anque in le Statos Unite de America on es
> > super le puncto de establir un nove organisation
> > national pro interlingua. Io es multo contente del
> > facto que durante le menses passate un gruppo
> > de interlinguistas american ha discutite in le Internet
> > como crear un tal organisation active american post
> > que le ancian Interlingua Institute in New York ha
> > rumpite su connexiones con le UMI e ha devenite
> > inactive.
> - per Piet C.
>
> Piet es contente de que il ha un gruppo que parla
> del necessitate de un organisation in le Statos.
> Ma mi question es proque le Interlingua Institute
> debeva morir? Qual son le rationes por su inactivitate
> in prime loco?
>
> Io debe dicer que sempre que io necessitava
> materiales in re Interlingua, le Institute sempre,
> sempre, sempre me adjutava. E io alsi vole
> dicer que io lamenta le situation currente hic
> in le Statos.
>
Via le rete io ha habite curte contactos con le Interlingua Institute, sed
isto ha essite in micre questiones, e viste que io non vive in le Statos Unite
io non cognosce multo de iste organisation e il non ha essite un necessitate
pro me cognoscer lo.

Nonosbstante, secundo le vibrationes que me ha attingite io ha habite un
impression que il occurre cosas apparte ibi, o debe io dicer, io non ben
comprende como le Interlingua Institute labora. Il ha famas e circula le cosas
multo intrigante. Isto io ha ascribite al nostre societates differente.

> Esque le conferentiantes in Focsani poteva
> parlar inter illos in re le situation hic in le Statos?
> Esque illes ha alcun consilio pro nos?
>
> Le situation currente es que si nos non ha le
> Institute, nos non ha un organisation pro representar
> nos hic in America. Nos necessita un organisation
> como iste e nos necessita un entitate active pro
> le publicitate e le provision de materiales pro
> Interlingua e interlinguistas american.
>
On debera obviemente trovar altere vias.
> Piet nos dice que...
> > le ancian Interlingua Institute in New York ha
> > rumpite su connexiones con le UMI e ha devenite
> > inactive.
>
> Ma si io comprende le situation correctemente
> le UMI primemente rumpeva relationes con le
> Institute debite a un miscomprension inter le
> representativos danese e le Institute... es isto
> ver o non??? Era le communicationes al
> Institute inviate in Interlingua? anglese? o
> per favor... non danese... dice me que le UMI
> non insisteva in communicar se con alteres
> in danese de omne linguas. ;-)
>
Si il es le caso que le ruptura es le causa de un miscoprension isto es un bon
lection pro nos. Nos debe esser multo conscie del facto que nos usa linguas
que non es nostre proprie e a vices lo que sembla totalmente normal in un
lingua es offensive e derogatori in un altere o mesmo - lo que pote esser plus
dangerose in un plus longe cursa - un mention normal que es recepte troppo positivemente....

> In tanto al reduction de miscomprensiones
> nos debe confirmar un con omne alteres que
> nos debe usar le belle lingua international,
> Interlingua. Nos debe esser un exemplo pro
> alteres, in special le nove interessatos. E nos
> debe interessar nos in le situation global.
> Nos necessita confirmar alsi nostre amicitia
> le un con le alteres e non trovar causas pro
> disputar e querelar.
>
Io ha audite de epistolas extrememente offensive. Io pensa que lo optime es
que tote le historia es superficialificate!

> Nostre fortia unite es multe vices plus
> forte! Nos necessita pensar globalmente e
> non personalmente. Le situation hic in America
> non es un bon exemplo pro le mundo e nos
> sape que il demanda un solution, e un solution
> rapide. Nos necessita action nunc. Vamos
> trovar un solution, si nos jungite, unite. De iste
> maniera le action national es action global.
> Le melioration de le situation in le Statos
> es progresso pro le importantia global de
> Interlingua. E non solmente in le Statos, ma
> etiam in le altere paises ubi un organisation
> active e vivente debe haber presentia.
>
> Sincer e vostre amico globalmente,

Il essera necessari que le interessatos in le Statos Unite studia le situation
del Interlingua Institute e proba comprender lo que ha occurite.

Un multo interessante historia!