Car Amicas e Amicos,
un actualisation de politica e non sol.
Stan - Mario, si le UE jam habeva un "Lista de Derectos Fundamental e
Civil" que tote le paises del union appoia, on pote permitter le gentes in
varie paises del union a eliger quicunque illes vole. Mais tal
governamentos esserea incapace de violar le Lista de Derectos Fundamental
que cata citatano del Union possede.
Mario - Stan, toto isto jam existe in le UE e in le dece-cinque Paises del
UE, io te assicura.
Stan - In le Statos Unite on non prohibi le existentia de certe partitos
(si illes non advoca le superar del Constitution per medios
inconstitutional). Il ha le libertate de parlar.
Mario - Anque in le UE, Stan. Non es isto le problema.
Stan - Mais si, p.e. un governamento in le Stato de Mississippi es electe
per le Ku Klux Klan, le governamento federal va superar qualcunque leges
dictate per le governamento del stato de Mississippi que es in violation
del Bill of Rights. Isto es decidite in le Tribunas.
Mario - Tu ha vidite que in le UE isto ha constituite un initiativa a
nivello politic, forsan troppo a tempore.
Stan - P.e. de novo, si le Stato de Mississippi vole prohibir que negros
non pote esser proprietarios, isto es in violation del Constitution del
Statos Unite.
Mario - Tu Stan face exemplos, in Europa le minoritates opera vermente e
usa anque le attentatos contra le population indefendite.
Stan - Io opina que le Social Democrates in le UE (e isto include Clinton
in le Statos Unite qui appoia lor politica contra Austria) es contra le
liberate de parlar.
Mario - No, Stan. Illes ha solmente aperite le bucca con troppo
precipitation, a initiar ab Clinton, e isto ha create un reaction
generalisate in Europa, assi Haider hodie ha multe appoios in Europa, que
ille diversemente non haberea gaudite.
Stan - Tal derectos debe esser institutionalisate in Europa in un
Constitution del Union Europee. Hodie le partito SD vole denegar certe
derectos fundamental del populo de Austria e Italia (libertate de parlar)
proque illes crede que le gentes de iste paises vole denegar certe altere
derectos fundamental a certe citatanos de lor paises.
Mario - In le caso del Austria le altere dece-quatro Paises europee ha
initiate a protestar antea le formation del Governamento austriac, que
debeva constituer se con le partitos que habeva vincite le electiones politic.
In le initiativa del Cancellero german Schroeder, ille ha facite un error
politic enorme perque ille ha declarate que ab le UE Italia deberea meritar
le mesme reaction que le UE ha adoptate contra Austria - reactiones que in
bon substantia se ha revelate un burletta - si, quando, dum, in le caso
que, in Italia le partito Alliantia National deberea vincer le proxime
electiones.
In practica iste politico ha aperite le bucca perque ille se trova iste
orificio, e lo ha usate.
Le commentario in aula del Senato del Repubblica per le Senator a vita
Giulio Andreotti ha essite: Seniores, nos da importantia al Senior Schroeder!
Isto, pro me, ha essite le melior intervention que io ha audite.
Le Presidente del Repubblica, Ciampi, a su retorno ab Egypto, heri vespera
declarava que totos le partitos in Italia se recognosce in le Constitution
del Repubblica.
Le Governamento italian ha incaricate le ambassador a Berlin de demandar al
Cancellero Schroeder un official reconsideration de su declarationes. Anque
le ambassador german a Roma ha essite formalmente contingite.
Io diceva: Europa curre a duo velocitates.
In plus, Stan, quando tu considera le Statos Unite de America, tu ha le
modello de un federation con plus de duo centos annos de functionamento ben
affirmate. Quando on parla del UE, on debe sempre considerar que hic le
historia es millenari e que non sempre le homines al poter ha exprimite lor
melio.
Per exemplo Austria ha un tradition politic plurisecular que Germania, como
Stato unitari, forsan non possede, o non ha jammais possedite in tote le
historia europee.
Isto, forsan, face nascer un exigentia de esser preminente.
Io poterea mitter a parte le themas politic e considerar un campo que me ha
vidite in prime linea in iste ultime trenta annos: illos del relationes
commercial international. In iste caso io non haberea nihil a reprochar a
Italia, perque io non trovarea un Pais, S.U.A. includite, que esprime
correctessa de relationes.
Germania non merita un judicio de bon exemplo.
Anque isto 'face' un Pais, constitue un judicio in le practica. Supertoto
quanto on contesta un fornitura con le intento evidente de non pagar su
precio como negotiate.
Nostre Amicas que actualmente studia le communicationes international e le
marketing, forsan sape jam que le legislation del S.U.A. non protege un
interprisa europee contra un interprisa statounitese. Le melior solution
resta le pagamento irrevocabile contra documentos. Alteremente un fornitura
al S.U.A. es un alea, un risco, un hasardo.
Ma in omne exposition italian on incontrara uno o plus statouniteses qui
vole comprar a credito e como exclusivista pro tote le Statos. Solitemente
ille non sera prendite in consideration.
Io time, car Stan, que le repostos international es ancora un materia que
debe maturar.
Ciao,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com
http://millennium.fortunecity.com/zebedee/682
http://members.xoom.com/Oncle_Mario
http://digilander.iol.it/oncleab/index.html
Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]
|
