SCENA 1: Petro porta un ex su collegas al officio in
su automobile. Post navigar trans traffico multo
dense, Petro e su collega arriva al officios de
Internovas Mundial. Le collega de Petro quita le
automobile e dice gratias a ille. Petro tunc vade via
pro parcar su automobile.
Entrante in le officio, Petro saluta diverse personas.
Un ex su collegas, Franco, solicita le consilio de
Petro sur un traduction que ille vole facer. Petro
recommenda un agentia ma dice a Franco que ille le
dara le detalios plus tarde. Ille debe facer omne su
travalio sin le assistentia de su secretaria, qui es
in su ferias.
---
SCENA 2: Strasburg, in le officios de Internovas
Mundial: Un femina cerca Petro e essaya trovar su
officio. Facente isto, illa vide un obrero qui porta
via omne le cosas in le camera 215, apparentemente le
officio de Petro. Illa comencia un conversation con
le obrero pro essayar discoperir proque ille porta via
omne le contentos del officio.
Le obrero sempre responde que ille non sape ullo, que
ille solmente face lo que on le ha instruite. Iste es
un exemplo perfecte de un conversation multo
frustrante e del multe manieras de usar le linguage
pro dicer nullo.
---
SCENA 3: Strasbourg, in le officios de Internovas
International: Petro e Catherina ha lor prime
conversation. Illa tosto comprende qui ille es, ma
ille crede que Catherina es un empleato temporanee.
Illa comencia un explication de su presentia. Ma
quando Petro invita que illa continua su conversation
in su officio, Catherina essaya dicer a ille que on ha
portate via omne le cosas que se trovava in illo.
Ante que illa pote explicar se plenmente, le telephono
de Petro sona. Franco es in le linea e essaya
apprender informationes plus detaliate sur le agentia
de traduction.
---
SCENA 4: Strasbourg, in le oficios de Internovas
Mundial: Petro e Catherina continua lor conversation.
Illa etiam nunc essaya explicar a ille que il non ha
ullo in su officio.
Petro deveni de plus in plus agitate, specialmente
proque ille non pote trovar su cafetiera, que es su
proprietate personal que non pertine al compania.
Catherina suggere que ille parla con su chef, e ille
lo face immediatemente postea, demandante que
Catherina le attende. Catherina dice que illa non
pote facer isto proque iste affaire probabilemente
durara multe tempore. Al fin, illes conconcorda in
reunir se un altere vice, a 4:00 in le postmeridie.
---
SCENA 5: Petro es in le officio de un agente de
viages. Ille face un reservation pro un viage a
Geneva in avion. On debe cambiar aviones a Paris.
Le empleato suggere que Petro face le viage in un
avion a Lyon e in un traino de grande velocitate (TGV)
francese usque Geneva, ma Petro prefere usar duo
aviones. Le empleato vende a ille un billet a Geneva,
e Petro da a ille un cheque pro le viage.
---
SCENA 6: Nos accompania Petro durante que ille se
imbarca in le avion al areoporto de Strasbourg e
durante su viage a Geneva.
Al areoporto ille face le cognoscentia de un senior
Melville, qui dice que ille es un consultante de
affaires commercial. Ille ascolta durante que Petro
parla detaliatemente sur su travalio e da a Petro un
carta, dicente que ille poterea inviar a ille unes
nove projectos.
Finalmente, ille suggere que Petro invia a ille un
plano detaliate pro un projecto de ingenieria. Petro
es multo felice e consenti con multe enthusiasmo.
__________________________________________________
Do you Yahoo!?
Yahoo! Platinum - Watch CBS' NCAA March Madness, live on your desktop!
http://platinum.yahoo.com
|
