Salute Paul!
Ego non del verbatim memora lo que Stan habeva scribite, sed a mi aviso il
es plenmente lice scriber
Habente installate le programma e modem io faceva le prime tentation.
Non plenmente comprendente le situation le vicino batteva al porta.
Informite re le problemas financiari io debe protestar.
Sapiente svedese on pote etiam sin troppo de problemas leger norvegese.
Non habente moneta con me, io usava mi carta bancari.

Tu scribe etiam:
>Ego non memorar leger alicun
>in re un tal tractamento de participios in le grammatica de Gode e Blair.

Il debe esser:
Ego non memora legente alique in re un tal tractamento de participios.
o
Ego non memora habente legite alique in re tal tractamento de participios.
I don't remember having read...

Gode e Blair ha:
Transversante le oceano, io habeva un placente aventura.
Crossing the ocean I had a pleasant (pleasing) adventure.

On debe sempre memorar que le subjecto debe esser le mesme. Nos ha un simile
construction in svedese (Ben, io sape que isto non es un del linguas fonte
de interlingua :-) - e on debe esser caute. Del schola io memora iste error
que me place multo:
Jacente sur le sofa, su cerebro comenciava crear grande ideas.

(In su vision mental tu non vide le persona jacente ibi sur le sofa, ma solo
su cerebro!)

On salva le cosa facente duo propositiones o cambiante le subjecto:
Jacente sur le sofa ille comenciava crear grande planos.
Ille jaceva sur le sofa e su cerebro comenciava facer grande planos.

Habente scribite toto que ego voleva, ego nunc fini mi message.



Kjell Rehnstroem
Vaenortsgatan 87
S - 75264 Uppsala
email: [log in to unmask]