Io non es anxie super le facto que a coollist (que esseva create
solmente pro discuter le questiones grammatic e lexic de interlingua
il ha un "intruditor" qui ha jungite le lista pro avantiar su
proprie version de un lingua romance commun a solmente le linguas
romance.  Isto non es nove, mais illo non esseva le ration pro
le existentia de coollist.  Solmente un altere persona a coollist
mesmo tracta iste innovationes seriosemente - le resto los ignora.

Del altere mano, io non crede que nos debe tractar interlingua
como "nostre interlingua".  Isto face interlingua le proprietate
de un parve gruppo o societate e non le vocabulario international
que es le proprietate de tote le gentes qui parla le linguas
fontal.  Le usages de aquelle populos determina lo que existe
in interlingua.  Il non es nostre derecto de legislar contra le
factos linguistic del linguas fontal.  Nos ha un general conception
del grammatica de interlingua date in le Grammatica de Gode e Blair,
mais isto nos da multe latitude in certe respectos, e nos debe
tolerar illes qui usa optiones differente que le nostre, si illos
es totevia in le limitates del grammatica.  Isto non es le mesme
como propositiones a introducer inflexiones personal de verbos,
o genere grammatic de substantivos e adjectivos, o varie nove
tempores o modas del verbos.  Istos es foras le limitates del
grammatica.

Questiones lexic non es nostre proprietate, mais questiones grammatic
possibilemente es.

Stan