Frank,
  Le affaires Clinton pote preoccupar nos multo.  Io ha expendite multe
tempore in cercar le TTT super informationes con respecto a illo.  Possibilemente
le abuso de poter ancora existe, mais non ancora provate.  Nos non debe
crear precedentes mal in le lege per concentrar super le dissimulationes
e mentimento con respecto al conducto sexual just pro remover Clinton del
officina.  Nos debe obtenir le prova de real crimines alte, e le caso del
filas del FBI (Federal Bureau de Investigation) esserea un real caso de
abuso de poter--si provabile.

  Io es inquietate per le abuso del cortes in le uso del causa de Paula
Jones pro attaccar Clinton. Io es specialmente inquietate que un
Accusator Special pote usar le "mentimento" a un question immaterial al
causa como un justification pro su persecution del Presidente (mesmo si
il es ver que le Presidente ha aqueste immoral conducto que es nonobstante
non illegal).  Si non, nostre libertates es menaciate equalmente.  Io es
tanto ben del opinion que le Instituto Rutherford, que es le fonte immediate
de financiamento del causa de Paula Jones, ancora ha un exemption de taxas,
proque obviemente illo es un instrumento partisan del politica in tanto que
le causa ha necun base in lege, e le judicia lo ha dicite quando illa
dismitteva le causa, arguente que mesmo si Clinton ha facite lo que illa
diceva in le camera del hotel, illa non ha producite alcun evidentia de
abuso, coercion, o punition in su empleo, e le acto de monstrar la su
pene non esseva un forma de extreme molestation.

Amicalmente,
Stan