Un die Patre Blandino me scribeva e postea io tentava plus vices de mitter
me in correspondentia con ille. Io interpellava anque Paolo Castellina re
isto.
Totevia io non succedeva plus a mitter me in contacto, anque si io lo faceva
per telephono plus vices.
A iste puncto, mesme pro illo que me explicava Paolo, io comprendeva que
Patre Blandino non debeva esser disrangiate.
Io poteva jam esser fortunate pro haber recepite su epistola del toto non
attendite e multo agradate.
Re Interlingua in Italia, le sperantias non es ancora perdite.
Illo que me lassa un poco perplexe es cognoscer que mesme in Svedia le
numero del adherentes al SSI es comocunque limitate.
Pro me Interlingua non habera alcun avantages per le existentias de
associationes. Interlingua ha necessitate de autores e de personas qui,
comocunque pote esser le demonstration practic de illo que es iste lingua.
Actualmente io ha solmente un possibile strata percurribile: illo de
meliorar mi capacitate de practicar Interlingua e iste lista, con su
diversitate de themas, es un belle gymnasio.
Pro me solmente?
Pro me solmente!

Mario Malaguti, italiano = individualista!



>From: Kjell Rehnstrom <[log in to unmask]>
>Date: Tue, 16 Jan 2001 08:20:47 +0100
>
>Ego ha sempre un impression que le cosa de linguas international es multo
>dependente del stato social o forsan sociologic in un pais. Es interessante
>que
>certe paises succede crear uniones pro interlingua e alteres non. Forsan le
>uniones non functiona ben.
>
>In Italia nos ha pro exemplo le doctor Blandino qui ha scribite plure
>libros in
>interlingua. On poterea creder que ille vaderea in contacto con Mario pro
>discuter certe aspectos de interlingua in Italia.
>
>Le territorio lingual del Italiano ha producite plure significante usatores
>de
>interlingua, como Paolo, le defuncte Stefano Bakonyi, nunc Mario, le
>professor
>Blandini, Hugo Pellegrini. (Esque ille non etiam era active esperantista?)
>e nos
>ha Tazio Carlevari (orth) un nomine que sona multo  italian a me.
>
>Es isto individualistmo?
>
>Amicalmente
>
>Cellus

_________________________________________________________________________
Get Your Private, Free E-mail from MSN Hotmail at http://www.hotmail.com.