Stan Mulaik scribeva

"Pro Tillich Deo non es un esser, mais le 'poter de
esser', que esser resiste non-esser in le facto que il
ha alque e non nihil.

"Le amor es e le symbolo de aquelle poter e le
participante in aquelle poter, proque le amor es le
affirmation de esser sin qualification.

"Le 'amor de Deo' significa que tote esseres es
affirmate per lor existentia mesme. Deo pro Tillich es
le fundo de esser, le mysterio de existentia, le un
con que nos es unite per nostre proprie esser."

---

Lo que Tillich face hic es un joco de vocabulario e
syntaxe que vermente significa nihil.

Su conception de Deo es eccentric.  Le major parte de
personas qui crede que Deo existe crede que illo es un
"spirito" (iste parola es un reification vacue)
universal que controla omne le activitates del
universo e que ha un interesse special non solmente in
le vita sur nostre planeta ma in le vitas personal de
omne su inhabitantes human.

Le improbabilitate de iste conception deveni multo
obvie quando on contempla que un accidente aleatori in
le oribita de un planetesimal pote destruer omne le
vita human, como tal accidentes ha destruite forsan 80
o 90 percent del vita sur nostre planeta varie vices
in le historia del vita sur nostre planeta.

Pro multe personas, le indifferentia del universo
verso nostre existentia es alique que illes non pote
tolerar emotionalmente, e le rolo principal de nostre
religiones es inventar mythologias pro occultar nostre
position insignificante in le universo.

Le major parte del mythologia de nostre religiones se
creava ante le discoperimentos del biologia
comenciante in le seculo XIX e del astronomia in le
seculo XX.  Le cognoscimentos de iste disciplinas
scientific establi fortissimemente le probabilitate
que que iste systemas mythologic ha un existentia
solmente psychologic e non physic.

Io ha legite recentemente un recension de un libro
scribite per un anthropologo, "In Gods We Trust" (io
oblida le nomine del autor, ma le titulo es
sufficiente pro trovar le libro).  Il pare que ille
crede que, ben que nostre religiones es nonsenso, le
humanitate sempre inventara religiones proque le major
parte de nos non pote tolerar nostre position
insignificante in le universo.

Como diceva Robin Fox, "All cultures are massive con jobs."

__________________________________
Do you Yahoo!?
The New Yahoo! Shopping - with improved product search
http://shopping.yahoo.com