Car amicos/as

Hodie (2000-05-09) mi sposa e io ha bicyclate sur le nove ponte de Svedia a Danmark. Il esseva le prime e le ultime vice que il essera permittite a bicyclar ibi, in futuro le ponte essera reservate pro vehiculos a motor (autostrata) e trainos.
Nos esseva circa 50 000 bicyclistas ex plure paises. Lunedi il devenira un curso pro curreros (medie-maraton) e mi filio va participer. In Svedia nos ha soniate de iste ponte desde plus que cento annos ma illo anque ha essite controvertibile primo a causo de riscos pro le ambiente sed anque a causa del costos enorme, 14000 milliones coronas danese (cirka 2000 milliones $). Le Mar Baltic es multo dependente del fluxo de aqua per le stricto Oeresund que separa Svedia e Danmark. Totevia, nunc on ha succedite contruer un ponte, un insula artificial e un tunnel que quasi non influe super le fluxo e le constructores ha recipite laude del ecologistas.
Le ponte de Svedia a le insula es quasi 8 km e naves del altitude 57 m pote passar, le insula construite (Pepparholm) es 4 km  e le tunnel del insula a Danmark es 4 km, in summa 16 km. Le insula es construite de quasi 8 milliones tonnas de petras e sablo. 
Nos ha bicyclate de Svedia a Danmark e retro in summa 42 km (del parcamento e retro) e fortunatemente le tempore esseva bon e nos ha  admirate le panorama fantastic el le turbas de bicyclistas allegre parlante plure linguas (unfortunatemente necun Interlinguista).  Mi sposa timeva un poco vader a basso in le longe tunnel sed arrivate ibi illa hasardava. Plure bicyclistas tornava retro sur le insula forsan a causa de informationes re le temperatura in le tunnel, 20 m sub le aqua, que esseva cirka 10 grados C. Un poco frigido quando nos esseva sudatori. Le 1 julio devenira le ponte inaugurate pro autos e trainos e tunc vos omne debe audir e leger del ponte.
Io es multo contente que io poteva participer in iste experientia e io opina, malgrado plure antagonistas del ponte, que le appresto del ponte  devenira un "columna milliari" in le historia scandinave e nostre contactos con Europa, non le minus contactos cultural. 
Un altere ponte cultural es Interlingua e io anque es contente que io ha comenciate apprender iste lingua excellente.

Erik Enfors 
Vallåkergat.25 
432 37 VARBERG, Svedia 
Tel: 0340-875 45 
e-post: [log in to unmask]