>
>Stan ha scripte:
>
>Mi puncto era le typo de voce passive ubi le objecto indirecte del phrase
>active deveni le subjecto del phrase passive.

Io comprende isto.
>
>Necun problema con "un libro era date a me", mais "io era date un libro"
>es un ressource del anglese que non existe in le linguas-fontes.

Le anglese es un lingua fonte.

>
>>Que es le rationamente de grammaticos portugese super isto?  Ha il un
>>tal usage in le portugese popular in contrasto al docte portugese?
>
>Mesmo le vulgo non usa iste modalitate de voce passive basate super le
>objecto indirecte. Le personas es accostumate a pensar in le forma: "me
>deram um livro" ("illes/uno[s] me ha date un libro").

Io ha cercate un poco pro apprender le origine de isto, e mi libro super
le historia del espaniol indica que le voce passive esseva essentialmente
un formulation del voce passive del latin.

Il ora pare a me possibile que le original conception del passive es que
on reversa le rolo del subjecto e le objecto.  Le objecto deveni le
subjecto del phrase passive, e le original subjecto deveni un objecto de
un preposition.  Il ha necun rolo pro le objecto indirecte in isto.

Active: Io da a ille un libro.
Passive: Un libro es date a ille.

Mais non: Ille es date un libro.

Il debe exister un ration pro le confusion in le anglese que ha
permittite le uso del objecto indirecte de un phrase a devenir le
subjecto de un phrase in le voce passive.  Mais al momento presente
io non pote pensar de un ration.

Amicalmente,
Stan