Recentemente un de mi amicos, un mago del informatica, me faceva un
visita.

Durante nostre conversation io mentionava que recentemente io habeva
installate Windows XP in mi computator, io le contava como io esseva
contente con iste systema de operation e monstrava a ille le CD del
Windows XP.

Pro mi surprisa ille lo jectava intra mi furno a microundas e lo
accendeva. Instantaneemente io deveniva multo perturbate, proque le CD
habeva devenite preciose a me, mais ille diceva: "Non te preoccupa, illo
es indemne."

Post alcun minutas ille retirava le CD, dava lo a me e diceva: "Examina lo
attentemente."

Pro mi surprisa le CD esseva assatis frigide al tacto e illo pareva plus
pesante que antea. Initialmente io non poteva vider alcun cosa, mais in le
bordo interne del foramine central io videva un inscription plus belle que
qualcunque cosa que io jammais ha viste antea. Le inscription luceva con
un brillantia penetrante, e totevia remote, como si proveniente de un
grande profunditate:

12413AEB2ED4FA5E6F7D78E78BEDE8209450920F923A40EE10E510CC98D444AA08E1

"Io non comprende le litteras ignee", io diceva.

"No, mais io comprende", ille diceva. "Le scriptura es hexadecimal, de un
stilo antique, mais le lingua es illo de Microsoft, que io non pronunciara
hic. Mais in le lingua commun ecce lo que illo significa:

'Un S.O. pro reger los totes, un S.O. pro trovar los,
Un S.O. pro apportar los totes, e in le obscuritate ligar los.'"

(Inspirate in "Le Senior del Anellos / Le Societate del Anello".)