Ingvar scribeva:

>Le nove gruppo IL_STRAT debe, secundo mi opinion, esser reservate pro
>le membros del Consilios de UMI e del organisationes national e pro co-
>optatos qui labora con projectos specific.   Nostre organisation besonia
>un tal foro.

Esque tu concipe IL_STRAT como un corpore executive, que potera plannar e
facer *implementar* (pro parla in computatorese) strategias promotional? Io
opine que un tal foro es necesse. Ma, io vide anque un altere besonio: un
foro in qual illes qui non es membros del "alte consilios" pote excambiar
ideas pro avantiar le position interlingua. Plures de nos es active pro
interlingua, sur toto in le Internet per le construction de paginas-www e
le participation in varie gruppos de novas. Il serea ben si nos poteva
discuter inter nos diverse strategias personal. On vole apprender ab le
successos e insuccessos de alteres. In plus, io opine que multe nove
interlinguistas, anque mer novicios, pote apporter bon ideas ab lor diverse
experientias de vita. Nos haber academicos, inseniantes, studentes de varie
subjectos, expertos de informatica, e alteres. (Io, personalmente, ha
experientias in le developpamento de strategias de mercato.) Naturalmente,
le scopo de iste foro serea primemente le cambiamento de ideas: on non vole
minuspreciar le functiones que appertine al UMI e altere organisationes del
movimento.

Io opine fortemente que interlingua sta actualmente in un situation multo
favorabile, a causa de plure grande cambiamentos historic. Ma pro realisar
iste potentialiate, il debe que nos utilisa tote nos ressources, o in
concerto o individualmente, secundo le requirimentos del situation.

In breve, io advoca un foro aperte a totes (potesser on admitte solo
interlinguistas genuin), ben que le Consilios debe facer lor travalio
privatemente.

Amicalmente,
Chris Burd
Victoria, Columbia Britannic.