> E como es tu guerra como guerrilla contra le edificio de parcamento
> proxime a tu casa?
>
> Stan
Il es un battalia quotidian in le duo principal jornales del citate e, a
vices, in le televisiones e radios local, como hodie per exemplo.
Io es inter illes qui non vole plus nostre citate invadite per le traffico
del automobiles. Nos vole le automobiles foras del citate, parcate in
parcamentos superelevate o al nivello del terra e non jammais interrate.
Nos reclama le salveguardia del territorio de nostre citate. Le conformation
geologic del terreno es formate de un crusta superficial de circa duo metros
que es supportate per le pression del aquas que curre subtus in un natura
del limos (fangos o arenas finissime). Solmente subtus a ultra dece metros
nos ha calculos e nos ha experientia del fortia del strato aquifere. Illo
non se arresta pro un moderne construction subterranee e le aquas se
presenta novemente in un altere parte. Solitemente le aquas invade le
locales interrate subtus nostre edificios moderne construite con le melior
techica e totevia sin considerar le natura del locos.
Mesmo a Milan il se presenta le equal situationes. Il es un characteristica
del Plana Padane in tote le Italia del Nord.
In plus nostre Treviso ha un structura de citate medieval que mal supporta
le traffico moderne. Le citate que conserva grande parte del muros del 1500
(the walls of the city), ancora vestigios de illos del 1300, retrovamentos
del epocha roman e del prime insediamentos pro le Venetic e mesmo anterior
(usque a 8,000 annos), ha le forma de un rectangulo que on pote percurres a
pedes in dece minutas de un verso e in vinte minutas pro le latere plus
longe. E nos dice: intensifica le autobus "navetta" (shuttle bus) a rapite
cursas e a tration electric o, comucunque, non polluente.
Postea nos dice: si on construe iste parcamentos interrate on determinara le
percursos del traffico pro le annos futur e isto rendera minus vivibile le
aeres e le qualitate del vita e locos. Il es como le caso del aeroporto, un
vice militar e ora civil, ab le qual le aviones se leva passante supra le
citate.
Al fin io time pro le stabilitate de mi domo que es del 1300 e que se
trovarea a minus de dece metros ab iste absurde construction interrate e
profunde ultra dece metros, In le vicin citate universiatri de Padua in un
caso analoge le edificios (moderne!) vicin ha collabite. Belle modo de
administrar un citate!
In le proxime mense de maio nos habera le election del burgomaestro e del 40
membros del consilio comunal e assi il es jam active le campania electoral
con inter su themas isto del parcamentos interrate.
Io pensa que nos contrari a iste disfiguramento e al traffico, nos qui vole
le citate totalmente pedonalisate, ha un bon sperantia de determinar le
resultato electoral.
E in iste battalia io cerca de esser active, mesmo con un sito in internet.
Illo que io non sape ancora decider es si io intende o no participar como
candidato al proxime electiones. Io pensava de facer le pensionario e curar
le pictura, le scriber, le photographia e altere "amenities" de iste sorta,
que al fin il sera melio pro me cultivar e lassar al juvenos un renovate
amor pro le politica. Campo in le qual, in ultra, io militarea ab le parte
errate, perque io es un idealista del liberalismo economic! Al reguardo io
ha facite halto a mi 17 annos con iste ideas.
Totevia un belle experientia durante iste dies e tante belle occasiones pro
facer nove amicitates. Treviso ha circa 80,000 habitantes e solmente 8,000
vive inter le "mura" del centro historic. A vices nos cognosce nos e totevia
nos non frequenta nos, ma in iste occasiones on ha motivos de facer un
melior cognoscentia e isto es sempre positive, anque in le diversitates de
ideas, professiones, experientias, etate.
Si io pensa ben isto es le viver in tu communitate, in le qual le confrontar
le ideas es facto de cultura antiquissime!
Mario
|
