Salute Jay,
il es multo interessante audir del mundo del Testes, viste que ille mundo es
totalmente estranie a me. Ben que al vices homines veni a mi porta pro
informar me del Testes de Jehovah, a vices etiam veni Mormons, qui ha un
ecclesia proxime al loco ubi io habita.

Ci in Uppsala nos ha le Verbum Dei (io scribeva de isto antea) que evelia
multe reactiones negative al non-verbumdeanos. Solo recentemente io parlava
con un femina qui labora in un hospital ubi il habeva un colaborante del
Verbum Dei qui predicava al patientes. Isto creava un poco de confusion,
viste que ille patientes era de altere denominationes e sentiva isto como un
intrusion. Io ha audite multe de tal historias, e a me isto es
incomprehensibile.

Io habeva a alcun occasiones participantes del cursos svedese qui studiava
al schola biblic del Verbum Dei ci in Uppsala. E como il es in un curso de
linguas on demanda: que es tu travalio? o Que face tu? e un de illes diceva:
Io studia in le schola biblic del Verbum Dei.
Io: Si, multo interessante!
E isto era toto.

Presso nos laborava un _purificatrice_ (janitora, janitrice?) de Norvegia.
Nos parlava a vices un con le alteres pro que illa laborava le vesperes
quando io habeva le cursos. Illa me etiam narrava que va al schola biblic
del Parola de Deo.

Io narra isto proque io ha audite de multe homines que illes se subito trova
in longissime discussiones in re le pros e contras del Verbum Dei. Postea le
mesme homines se plange pro que illes senti que illes ha essite le objectos
de _coersion religiose_. Sed in multe casos isto es lor proprie culpa.

Le vita in ille ecclesias es un mundo totalmente estranie a me. Ben que io
ha assistite in alcun incontros del Pentecostales e le Armea de Salvation, e
io vadeva con un collega de travalio a un incontro del Verbum Dei, sed io
non cognosce iste mundo e il es sempre interessante audir un poco de illo.

Io videva que il in le UseNet existe un gruppo pro ateistas. Io ha sequite
le discussiones un poco. Isto es multo interessantes pro que le majoritate
de participantes ibi es - non-ateistas qui tenta convincer le alteres! Certo
in le mesme maniera il ha plus de ateistas in le gruppos de Christianos.

Io crede que il esseva Frederico le Grande de Germania qui diceva: Que cata
uno se face beate in su fide. Io es de accordo con Frederico le Grande in
iste puncto.

Sed io crede que le situation in le Statos Unite e in Scandinavia, o plus
tosto in le Nordico es multo differente. Le differentias sembla esser
purmente sociologic e illo certo determina le attitudes. Un multo
interessante tema.

Sape, il anocra face estate e honestemente io non comprende que Allan debe
facer in Turchia nunc quando ille ha un tal fantastic estate sur su
latitude. Le luminose noctes e omne isto.

Hieri io incontrava mi vicino qui me invitava a un simple barbeque. Nos
sideva foras usque al hora 24 (dece-duo del nocte). Io habeva solo un camisa
e pantalones curte (curtas :-)  e me non del toto faceva frigor.

Hodie al hora 6 il faceva 18 grados Celsius. Mmmmmmm meravillose!

Le natura es fantastic. On gaudi del estate e le calor. In le hiberno on va
pensar del dies calide, quando on blasfemava pro le sudor in le oculos e le
culos (moschitos). In mi curso de finnese il ha un frase multo ver:
Nostre estate infelicemente es troppo curte. Toto de accordo. Isto eciam es
valide pro le estate svedese.

Moschitemente
Kjell Rehnstroem
Vaenortsgatan 87
S - 75264 Uppsala
email: [log in to unmask]