Ignacio,
   Il es ver que le denomination religiose de Pres. Clinton es Baptista del
Sud. Generalmente, specialmente in annos recente, illo ha devenite multo
literal in su theologia e interpretation del Biblia, semper condemnante del
sexo e le alcohol, plus recentemente condemnante de homosexualitate, e
politicamente active.  On dice que aqueste movimento theologicamente a un
dur literalismo, reflice un cerca pro certitude in un population originalmente
rural e pastoral al citates, ubi illes ha experientiate difficultates in
lor vitas.  Illes opina que le fortias del modernismo, representate in le
universitates per le "liberales" e designate per illes un "religion de
humanismo", ha superate le governamento e usa le governamento pro imponer
se, a intermiscer se in lor vitas.  Justo como le movimento de negros a
obtenir lor derectos esseva originalmente directe per le ministros del
ecclesias de negros, le ministros del ecclesias Baptista ha in recente annos
devenite multo politic in lor orientation--Jerry Falwell es un exemplo
excellente.

   In certe respectos Bill Clinton es un contradiction.  Ille es un
modernista in su emphase del ration e analyse.  Mais ille retene su fide
Baptista. Io crede que ille vermente senti multo culpabilitate pro su
transgressiones sexual, durante que ille pote rationalizar los.

   Il ha altere positiones super le immoralitate de sexo extra le familia,
in su destruction del familia, que es le unitate central de levar le
proxime generation.  Mais aquesto es un position rational e non necessemente
"religiose".

Ora amicos, durante aqueste sequente duo dies io va esser via de mi
computator e le interrete durante que mi facultate del psychologia
a Georgia Tech, se retira a un centro in le montanias nord de Atlanta
pro discuter questiones pedagogic.  Io va retornar a jovedi nocte.

Stan Mulaik