Allegra totes,

Hodie, nos ha habite nive tote le die. In le francese de Quebec, on dice
alora un expression amusante:
on est encabanés
= nos es "incabanate" = nos es fortiate de remaner "in le cabana" (al
casa).

Io debeva cambiar mi projectos e io ha simplemente reguardate tres parve
reportos al TV. Le prime concerneva... le Jecto de Aqua de Geneva! Io
esseva surprendite de apprender que, al initio, le Jecto esseva solmente
le resultato de un valvula de securitate de un fabrica, ma illo es
rapidemente devenite un attraction. Nunc illo es solmente un attraction.
Como le Jecto es multo alte (140 m.), il ha un homine qui es le guarda
del Jecto : quando il ha troppo de vento, le guarda debe stoppar lo.
Ma, si io vos ha parlate de isto, illo es specialmente a causa del
guarda...conjectura como ille se nomine ? (e illo es le veritate) ...
Antonio Del Aqua!!!

Le secunde reporto me ha date etiam un parve surprisa
"linguistico-burlesc", ma illo concerneva un ambiguitate de referentia :
Illo se passava in un parve region de Francia ubi il ha ancora un feria
de assinos. Le region es multo charmante, e le accento del gentes es un
delecto. A un momento del reporto, on ha audite iste conversation inter
duo homines :

- Io ha un amica qui habita in Provencia, e illa sonia de haber un
assino.
- Oh! io comprende, ma le assinos non ama esser sol. Illes ama haber un
poco de compania; tote sortes de companias, per exemplo, illo poterea
esser, euh... vos ipse...o un altere assino...

---

Amicalmente,
Anne

--
Anne Bürgi - 640, McGregor, App. 406, Sherbrooke, QC, Canada. J1L 1V7
tel.: -- 1 819 573 0068
e-mail: [log in to unmask]