Io ha legite un libro multe interessante e io volerea recommendar iste libro pro illes qui non lo ha legite. "MISCELLANEA- insolite creationes spriritual" per Toma Macovei (Servicio de libros UMI).  Le parve libro consiste de curte articulos, apte pro lectura qualque minutas omne die. Le articulos tracta themas diverse, primarimente themas humanistic e historic sed anque alcun humoristic, e  illos es educante e interessante in plure manieras. Il me pare que le lingua es multo ben e non troppo difficile benque un glossario es desirabile. Le autor usa alcun parolas que io non ha vidite in Interlng.
Un del plus memorabile articulos tracta nostre lingua e io volerea citar alcun lineas del articulo, "Peroration pro interlingua" pagina 50:

"...Si "le libro es le plus grande inter le miraculos create per le homine" (Gorki) , eh ben, in vista del creation de un mundo melior, interlingua es, sin dubita, le secunde inter le grande miraculos contemoranee. Sed, como le libro augmenta su efficientia in le lucta contra le inertia del analphabetismo, equalmente interlingua se affirma in le lucta contra le egoismo e le orgolio national, donnante su fructos optime a mesura que milliones de homines cognoscera su qualitates exceptional e sera acceptate ubique.
  Al fin, io desira facer vos un ultime recommendation, presertim a ille multes qui suspecta me de tro grande enthusiasmo pro iste língua. Io sape ben que vostre tempore libere es strictemente mesurate. Pro un causa tanto nobile, tamen, rumpe vos ab illo solo qualque minutas e lege con attention benevolente un certe pagina ex un libro o un revista scribite in interlingua. Isto sufficera pro facer vos al minus esser similemente enthusiasmate como me....."

Forsan un exhortation non del toto inutile anque a iste assemblea qui forsan solmente lege letteras scribite in haste.

Opinava

Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45 
e-post: [log in to unmask]