Oh amicos:

    Io lamenta non poter continuar rapidemente con mi relation. Le problema es que io era multo occupate in iste dies e non poteva trovar un momento de tranquilitate pro continuar le conto. Ma ora io continua con le quarte parte de mi notas de viage...
------------------------------------------------------------------------------------

    Depost de arrivar al sito del tareas io me surprendeva de lo que trovava ibi: Un complexe planta petrochimic ultramoderme e ben equipate in le medietate del deserto!
    Quando se me proponeva le viage, io pensava que le travalio iva esser circa del citate de Rio Grande. Io tunc pensava logicamente, que cata die in le vespere io retornarea al citate e io potera facer alco de vita nocturne. Io supponeva in le imagineria que uno face ante le possibilitate de un viage re le cosas que on va incontrar, e le cosas que uno crede facera. Ma pro diverse motivos iste pensamentos previe quasi nunquam se cumpli. Sempre alco cambia le cosas. E iste era altere caso.
    De totes maniera il non era tanto mal. Pro le termino de un poc dies io me sentiva un aventurero, e le rutina del citate tosto esseva oblidate. Iste installation in le medio del nihil, era un monstra clar que le homine non lassa loco sin occupar, multo plus quando le intereses economic es relationate con le 'auro nigre'.
    
Le repastos extraordinari...

    Le factoria era sol un parte del complexo petrolifere. Anque existe le dormitorios del personal, -que inter personal permanente e contractistas eran circa de duo centos- e anque le melior parte del stadia, le camera a mangiar.
    Io habeva essite in altere opportunitates in altere sitos de travalio ubi il habeva anque multo personal. Regretabilimente le repasto in iste locos era sempre le prime motivo de discontento inter le obreros, e quasi sempre con ration. Ma in iste loco le cosas era disctincte. Le repasto era excellente e le hora del lunch era disfrutate como poc. Io ha alcun (poc) kilos de plus, e mi quasi marita sempre me dice: tu debe bassar de peso. Tunc io intenta carer me in le repastos. Ma illac con le frigido e le bon mangiar, io non recordava consilios. Mesmo le ultime die, horas ante del volo pro le retorno io gaudeva del prandio: 'lasagna'.... "mamma mia, boccato di cardinale".
    
    Le clima e le somno...

    Como io diceva in altere messages, io era surprendite del clima del region. In le horas de sol le temperie nunquam passava del +15 ºC e in le nocte le thermometro bassava a +4 o +5 ºC. Nonobstante pro me que suffre multisime le calor del clima del nord, illo era un grande placer. Hic in mi citate le humiditate e le alte temperie ancora in le nocte il face difficile le descanso. Malgrado le ventilator que ora mesmo functiona in mi camera, con temperaturas de 28 ºC non il es possibile dormir con commoditate. Ma in le sud era altere cosa! io debeva dormir con calefaction de solo radiante ¡que excellente systema! In le muro del camera io teneva un regulator de temperie. Tunc tu regulava facilemente le temperatura desirate. Iste gente ha in le factoria un planta electric que functiona con le super abundante gas. Le systema de calefaction ibi es per solo radiante calefacite con resistentias electric! Se notava que iste gentes pagava le electricitate a multo basse costo! Illo serea imposible de mantener in le citate, al minus hic, ubi le energia electric non es incostose...

il continuara....

Horacio Martinez
Interlingua in Argentina
www.interlang.com.ar