Subject: | |
From: | |
Reply To: | INTERLNG: Discussiones in Interlingua |
Date: | Sun, 8 Jun 1997 08:21:14 -0700 |
Content-Type: | text/plain |
Parts/Attachments: |
|
|
Car amicos,
Si on vole adjutar financiarimente le est-europeos qui intende
viagiar al 13e Conferentia de Interlingua in Strasbourg, on
pote facer lo de duo manieras:
1. Inviar billetes de banca (dollars, libras, marcos, francos,
florinos, pesetas, etc.) in un inveloppe clause a mi adresse:
P.Cleij, Steenen camer 4, 3721 NC Bilthoven, Nederland.
Iste methodo es le plus facile e sin costos extra. Usque a iste
momento io ha recipite moneta in inveloppe plure vices
sin problemas. Io trova iste methodo multo secur, al exception
pro le paises in Europa oriental (Bulgaria, Romania, Ukraina,
Russia).
2. Inviar me un mandato postal international (= cheque postal).
Il ha costos extra pro le expeditor. Le persona qui recipe non ha
costos extra.
Iste methodo es secur. Plure vices io ha recipite moneta per
medio de illo.
Le UMI ha arrangiate (= pagate) le participation gratuite al
Conferentia pro 7 personas. Le UMI paga un parte de iste costos
pro 2 personas. Ma nostre capital ha un fin. Il non resta moneta
pro subventionar le viages costose de nostre activistas de Europa
oriental. Nos sape que illes se effortia multo pro reunir le moneta
necessari. Tamen un adjuta financiari per personas habitante in le
paises plus ric es certemente multo benvenite.
On me demanda: Quante moneta?
Io non pote reguardar in vostre bursas. Alora io lassa iste cosa a
vostre proprie judicio.
Salutes amical de Piet Cleij
|
|
|