STAN MULAIK wrote:
>
> Ah, Paul, vos non debe revelar le facto que il non ha un anno zero.
> Assi tote le moneta expendite super celebrar le nove anno es
> pro nihil.
>
> Governamentos va cader quando iste information es facite public.
>
> Pensa del $milliones expendite pro le exhibition de pyrotechnicas a
> Sydney, Paris, Nove York, London, Washington, San Francisco (e parve
> citates inter los).  Le politicos debe ora repeter lo iste sequente
> anno.  Le citatanos in le strata non va tolerar tal expendituras.
>
In facto il non essera el prime vice que le publico ha tolerate un action
facite sur premissos false ma non acceptate le mesme action facite sur le
premissos correcte!

Plure restaurationes e altere estrablimentos debeva clauder al nocte de
Sylvestre proque nulle humanos voleva pagar le precios exorbitante pro dicer
le ben venite al imaginate nove seculo!

Secundo famas le agentias de viage vendeva viages al Insulas Canarie a multo
bon precios, viste que il era tanto poco personas qui voleva pagar le anterior
alte precios pro arrangiamentos special al occasion del "nove seculo".

Ma on habeva un massa de pyrotechnica ci in Uppsala. Gente qui possede canes e
altere animales domestic non es multo gaudiose de isto.

Un nostre vicina possedeva un can que illa tentava pacificar assi que quando
on tirava pirotechnicalia illa prendeva le can in su sino e coperiva su oculos
per le manos, resultante in isto que le can era tanto terrificate a cata sono
que illo se celava.

Lo que sovente terrifica le animales es si alcuno jecta un pecia pyrotechnic
verso illos, e anque quando illos audi le sonos sibilante, que genera certe
typos de pecias.

Un tote altere question: como appella vos le fundo de un horologio sur le qual
on vide le sagittas que indica le horas? Le sagittas se nomina _flechas_ de un
horologio, ma como se appella le fundo? Le "tabula" horologial?