Heri CNN publicava un articulo super le stato actual ancora horribile
del orphanatos in Romania. Ecce mi traduction.

- Martijn

Systema de benesser infantil romanian 'in crise'

Le 4 novembre 2000  Publicate in le web a: 1359 GMT

http://europe.cnn.com/2000/WORLD/europe/11/04/romania.orphan/index.html

BUCHAREST, Romania (AP) -- Le systema de benesser infantil de Romania
remane in crise plus que un decennio depost le collapso del
communismo, ha dicite un functionario prime del Union Europee.

Emma Nicholson, le inviato special del Parlamento Europee pro
Romania, diceva: "Malgrado le progresso recente, le persistentia de
un crise in le cura de infantes abandonate es inquietante."

Nicholson diceva que Romania debeva adoptar melior leges contra le
abuso de infantes e super adoption.

Le Union Europee plana un subsidio de $23 milliones pro supportar
reformation in le systema de benesser infantil de Romania.

Le situation de milles de infantes que langue in conditiones atroce
in orphanatos statal era revelate depost le cadita del communismo in
1989.

Infantes abandonate

Romania avidemente vole junger se al Union Europee, ma ille effortio
ha essite retardate per legatos del era communista e del dictator
Nicolae Ceausescu.

In le regimento communista, le anticonception e le abortion era
illegal. Le orphanatos statal era edificate pro albergar le infantes
abandonate per lor parentes.

Depost le collapso del communismo, adjutores occidental trovava
conditiones atroce in le orphanatos -- con infantes subalimentate,
languente in immunditia, gravemente negligite per personal
supercargate(*).

Le conditiones se ha ameliorate depost, ma le pais integre remane
paupere e le numero de infantes in orphanatos -- inter 110 000 e 150
000 -- non significantemente se ha diminuite.

Le Presso Associate ha contribuite a iste reporto.

----
* Mi traduction 'inofficial' de "overworked personnel" - vide le
lista de linguistica, interlinga-coollist, pro plus super isto, o al
web: http://egroups.com/messages/interlingua-coollist