Car Amicas e Amicos,
jam de plus dies io sperava que mi amico Paolo Castellina haberea sapite
facer silentio.
No! Ille non ha sapite resister e ille ha habite le necessitate de expender
su function de pastor de un confession religiose christian pro mitter nos
in guarda re illo que facerea mi amico Jay Bowks, culpabile de esser un
membro del Testimonios de Jehova.
A iste puncto nos debera leger le replica per Jay Bowks.
Il es le minimo.

Io exprime mi pena.
Io pensa que in iste lista, como ubicunque, io pote e debe professar mi
fide, si io ha iste necessitate. Io pensa que le profession del fide debe
esser le expression de mi comportamento in terra, avante toto como homine
del terra.

Io pensa que in iste lista, como ubicunque, io non pote e io non debe poner
mi fide in comparation a un altere fide. Quando io assumerea iste
comportamento, in terra io non professa plus mi fide, io provoca cruciadas
e guerras e isto non es le ideal pro le homines qui vive in terra, qui ha
famine, sclavitude, ignorantia.

Le homine qui ha le pace personal que pote derivar de haber un fide ha un
deber al qual ille non pote e non debe renunciar pro alcun motivo: illo de
recordar se que in terra nos ha necessitate de Amor pro nos mesme e, de
consequentia, pro omne homine qui es in iste terra.

Paolo, in le arco de tempore de duo annos tu me ha deludite pro le secunde
vice. Jay, per favor, sparnia nos de tu replica, si tu pote.

Mario Malaguti


At 09:53 PM 11/3/00 +0100, Paolo Castellina wrote:
>Car Clifford,
>io legeva tu message de appreciation concernente le interprisa de Jay
>Bowks in le traduction del Biblia. Io vole simplemente adverter te que
>illes es un teste de Jehova, e, como le plus parte del expertos biblic
>confirma, lor traduction del Biblia es falsificate e/o ha le objectivo de
>promover lor sectari doctrinas.