De qualque minutas le stationes electoral in Italia se ha claudite. Le
italianos era clamate a votar ben septe referendum. Le affluentia del
electores ha essite de circa 30%, non bastante pro ganiar le indispensabile
quorum de 50% plus uno. Assi le votationes non ha valor.
Isto debe esser interpretate como un reaction del electores contra lor
politicos.
Pro le italianos es le politicos qui debe exercitar lor mission e le poter
legislative e illes non debe recurrer al corpore electoral pro tentar de
resolver in iste maniera lor incapacitate a ben legiferar.
Forsan, pro isto, cadera anque le governamento national e multe italianos
desidera que le electores sia clamate a votar de nove lor representantes al
parlamento national.
Hodie anque le suissos votava un referendum re le acceptation de un accordo
economic del Suissa con le Union Europee. Un accordo, non un adhesion al
UE, perque le suissos retene que le politica de Brussel, o melio le machina
administrative del UE non funtiona ancora ben.
Isto non lo pensa solo le suissos, ma anque multe italianos, nonobstante
que illes ha un particular amor pro le idea de Europa.
Subtus multe aspectos isto comportamento del italianos non es positive, ma
illo es anque un demonstration que le populo es plus democratic respecto a
lor representantes.

Illo que es meraviliose es le facto que nos ha cognoscite nostre
comportamento in le curso del integre die, quasi in tempore real. Isto sera
le evolution del exercitio del democratia per le populo in un proxime
futuro.
Assi io spera,

Mario