Mario Malaguti wrote:
> 
> Le uso de Interlingua in comparation:
> 
> Kjell R.: Hodie io audiva un programma radio Människor och tro (Humanos e
> fide) que pote esser interessante pro vos. Secundo "Humanos e fide" un
> infirmera in le provincia Småland (pronuncia _Smoland) es vocate ante le
> corte de prime instantia in Eksjö pro haber mentionate le nomines de
> personas individual in su paginario (pagina domestic si vos lo vole). Bodil
> Lindquist es active in su congregation, apertinente al Ecclesia statal
> svedese.
> 
> Mario: Esque vos ha audite le novas per le Presidente del Conferentia
> Episcopal german re le stato de sanitate del Papa?
> Le Episcopo Karl Lehmann ha precisate que ille ha solmente respondite a un
> demanda re le possibilitate theoric del dimissiones del Papa, quando ille
> declarava in un intervista radiophonic que le Ecclesia Catholic ha
> necessitate de un homine forte e que le Papa debe haber le corage de dicer:
> "Io non pote plus explicar mi carga como il serea necessari."
> Que facera le Papa e que facera Karl Lehmann ora que io ha nominate lores
> in le rete?
Probabilemente nihil. Si io ha comprendite le descriptiones del lege
correctemente tu debe poner le nomines in un sito (paginario) e postea le
"inspection de informatica" in Italia debe observar tu paginario. 

> Pro le leges de datos personal de omne paises illes potera facer un belle
> nihil.
> Il resta sol un evalutation, pro cata uno personal, pro le medio e le sede
> usate per le Episcopo german.
> 
Si, il non es probabile que on pote, o mesmo vole, sequer iste micre lista.
Assi certo tu ha ration.

> Kjell R.:  In le programma illa (infirmera) ipse dice: "Io non comprende
> isto. In un jornal io ha le derecto dicer que le episcopo es un scelerato,
> ma in le rete io mesmo non pote mentionar su nomine de ille!"
> Secundo ille programma le pais con le plus sever leges contra le uso in le
> rete es Italia. Un gruppo de armeniacos habeva protestate contra le
> violationes del derectos human in Turchia e exhortava le population a
> boycottar un agentia de viages turc. Illes era ponite ante un corte, si io
> ha comprendite toto ben.
> 
> Mario: Io non cognosce iste facto, ma esque un gruppo de personas pote
> boycottar impunite un agentia de viage, sia illo turc o de un altere pais?
> Si on admitte un motivation politic, o ethnic, perque on non deberea
> admitter altre motivationes?

Io honestemente non sape si le lege interdice le instigation a boycottage.
Logicalmente io pensa que isto es un parte del libertate de parola. Io ha le
derecto dicer al publico: "Io admone a vos non visitar ille pais pro iste o
ille rationes politic." Un altere cosa es si isto es efficace o non.

Durante le dictaturas in Espania e Grecia on admoneva le touristas futur de
non viagiar a ille paises pro non supportat le olim systemas dictatori. Io
suppone que ille admonitiones era totalmente sin effecto. In principio le
menacia de un boycott pote esser efficace ma multo rarmente le boycottage
mesme. Il es un poco como quando le urso jectava un petra al fronte de su
maestro pro occider le musca que sedeva ibi. Le musca volava foras, ma le
amate maestro del urso moriva, como nos sape del fabula antique. 

Personalmente io crede plus in le aperte discussion e le lente victoria del
ideas democratic, un poco como le lapide cavante le petra.

> Forsan le libertate de expression debe sequer su regulas.
> Anque le terroristas revindica libertate, ma le majoritate del homines non
> admitte le terrorismo.
> 
De accordo. Clarmente varie paises vide le uso del derecto de parola in varie
grados, o como expressar isto. Un question esserea, ha tu Mario, vidite
exemplos que on ha criticate interprisas in le pressa mentionante nomine e
toto? 

> Kjell R.:  Secundo iste mesme programma, in Italia, le interprisas, e le
> ecclesia catholic es protegite in le mesme maniera como personas individual
> secundo le lege de datos personal in Svedia.
> 
> Mario: In Italia nos ha libertate de culto e un pluralitate de ecclesias,
> anque illo musulman. Tote le ecclesias es protegite al mesme maniera de
> totes le organisationes civil. Isto es ver in Italia como in le Statos
> Unite de America, in Francia, Grande Britannia, o Germania, et cetera.
> Le leges de datos personal es multo similar in tote le paises que es plus
> progredite.
> 
Lassa nos imaginar: Io es un laico in Italia. Io es multo ingagiate in le
cosas del ecclesia catholic. In le loco ubi io habita il ha circumstantias in
le congregation (parochia) que io pensa esser mal. Pro isto io scribe in re
isto in mi sito, e io mentiona le nomine del espiscopo e scribe que ille non
seque su vocation in un maniera adequate. 

Le question ora es: "Ha tu le impression que tu poterea facer isto? Cognosce
tu de casos quando simile actiones ha essite menate ante le tribunal?

Nota bene que io non parla del libertate de culto. Naturalmente Italia como
omne le paises in le union permitte le libertate de religion. 
> 
> Kjell R.:  Le pictura que le publico ha de iste cosas in Svedia es que le
> Union Europee tenta, furtivemente, disconstruer le derecto del libere
> parola e le transparentia que es plus grande in le paises nordic quam in
> multe altere paises del Union.
> 
> Mario: Ah! Ah! Kjell, tu viola le lege de datos personal con iste
> consideration pro le Union Europee, que tentarea, furtivemente... O, plus
> simplemente, tu pone le publico svedese, que in Europa es stimate como un
> populo al vanguarda social, como un publico non al passo del tempores.
> Io dubita que isto sia le opinion del Svedeses. Il pote esser le opinion de
> alcun personas qui ha sempre le luna trasversal.
> 
Per gente con le luna transversal tu vole dicer que isto es gente non
totalmente san mentalmente? 

> Kjell R.:  In vice de permitter a cata cive informar se del cosas que es
> tractate in Brusselas le pressa debe per vias non totalmente licite obtenir
> le novas.
> 
> Mario: Isto es bon! Esque nos parla del Europa? Le continente ubi se trova
> Italia? Alora io ha un opinion diverse e nos es inter le prime paises que
> usa le informationes, sin reticentia alcun.
> 
Io va retornar a isto.