Erkki Liikkanen qui es membro del commission del Union Europee appunctate per
Finlandia es digne a omne homage. Ille ha in un passo public dicite que le
commission debe recommendar al varie paises membros que illos facilisa le uso
del rete per introducer un rata telephonic unificate, lo que on in anglese
appella un "flat rate". Le europeos debe haber plus facile accesso al rete,
proque se perde un multitude de opportunitates de labor, viste que le
population del Union non es satis computatorimente litterate, declarava
Liikkanen.
Que nostre commissionaria Margot Wallström age in favor del ambiente non es
mal, ma il es gaudiente audir de un politico qui pensa del individuales in le
union e non solo de un certe gruppo de interesse.
Si le commission in toto ha tal membros nos va verso un futuro luminose.