Le 8 de decembro, quando nos habeva nostre incontro final pro le region de
Uppsala e Stockholmo, un satis private historia a un suburbio de Stockholm
que se appella Vällingby, nos debeva vader per considerabile accumulationes
de nive.

Etiam ci a Uppsala il cadeva multo de nive, ma le plus de nive recipeva le
urbe Gävle ['yevle - nomine latin Gevalia (como le caffe, que se produce in
le mesme loco). In le nocte ante le dominica il cadeva tanto de nive, que
continuava durante le dominica e le nocte al lunedi, que le urbe era
_totalmente_ isolate.

In Uppsala il cadeva maneabile ammontas, ma in Gevalia non del toto. On
debeva requirer adjuta del armea que dava al disposition del communa su
enorme disnivatores.

Multe humanos non comprendeva le seriositate del situation ma viagiava per
su autos in le territorio de Gevalia e su circumferentias e se accollava in
le nive, non potente ir avanti a a retro, e le policia habeva grande
difficultates de salvar le stupidos.

In Lunedi le scholas era claudite e le clausura continuava usque al martedi
e venerdi. Solo in le fin del septimana passate le situation retornava al
normal.

Le nord de Uppland es sempre ric in nive. Le record ha - si io me non erra
- le loco Film (isto non es nostre Hollywood, lo que on poterea creder).

Como era il possibile que Gevalia habeva tanto nive durante que le resto
del paises habeva quantos normal e supportabile?

Le causa, dice le meteorolgos, era le un phenomeno que se appella inversion
littoral. Sur le mappa on vide que le region de Gevalia es protrahite in le
mar. Le fluvio Dal (Dalälven) certo in tempores anterior formava un enorme
delta ibi e pro le sedimentos enorme se formava iste "naso". Quando le
ventos con nive veniva de Vasa (finnese Vaasa) trans le Mar Baltic, le aere
habeva collegite tanto de humiditate, que era exspuite super Gevalia.

Si on viagia de Söderhamn a Uppsala, on vide alcun kilometros al sud de
Gevalia (Gävle) subito que il ha multissime nive. Durante alcun 30 minutas
on viagia inter multissime cumulos de nive, e subito quasi al altere latere
de un linea, le nive recide a profundura (o altura si vos vole) normal.

Hodie il etiam niva, e va continuar tote le die, dice le prognosticos, o
_synopticos_ como dice le russos  (un multo bon uso del vocabulario commun
del europeos).




[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden