Sender: |
|
Date: |
Wed, 21 May 1997 16:45:39 -0700 |
Reply-To: |
|
Subject: |
|
MIME-Version: |
1.0 |
Content-Transfer-Encoding: |
quoted-printable |
Content-Type: |
text/plain; charset=iso-8859-1 |
Organization: |
Armann Data HB |
From: |
|
Parts/Attachments: |
|
|
OPPORTUNITATES A PROPAGAR INTERLINGUA
Salute!
Le anno passate un amico ha me invitate a informar re interlingua in un
Rotary Club local. Io ha parlate 15 - 20 minutas e io anque ha
distribuite un papiro con un summario de mi discurso inter le
participantes. Tosto io ha quasi oblidate iste evenimento ma plure
menses plus tarde io recipeva un littera de un juvene dama qui studiava
in le gymnasio in le urbe vicin. Illa ha recipite le summario de su
granpatre (un del participantes in le Rotary Club). Illa esseva multo
interessate e ha anque discutite mi papiro con su inseniatrice in
latino. Anque le inseniatrice deveniva interessate e ha me invitate a
informar re interlingua in lor gymnasio in le urbe Strömstad. Le
inseniatrice e le juvene dama ha se jam inscribite in le Societate
Svedese pro Interlingua como membros.
Hodie io ha habite mi information ubi. 25 alumnos in le ultime e
penultime stadio in le linia humanistic ha me audite. Etiam 3
inseniatores de linguas (latino, anglese, francese e espaniol) esseva
presente. Io ha presentate interlingua e io ha contate breve narrationes
in interlingua e svedese. Io ha anque demostrate un dialogo in
interlingua inter me e un inseniatrice. (Le texto del dialogo esseva
preparate in avantia.) Le gymnasio ha nunc connection a Internet e nos
ha promittite establir contacto con le un le alteres. Post 70 minutas io
ha terminate mi discurso. Alcun brochuras re interlingua e le
Biliographia de Interlingua esseva distribuite. Mi timiditate debeva
impedir me a contar que io recipeva applausos longe.
Tal experientias indica que nos ha bon possibilitates a informar e
propagar interlingua, si on cape le opportunitates.
Diffidentemente,
Jan
--
Jan Armann
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail: [log in to unmask]
ICQ nr:785745
http://www.algonet.se/~armann
|
|
|