Salute amicos!

Durante un septimana mi sposa e io ha visitate Teneriffa, le insula del Canarias, e  nos ha viagiate per auto a plure urbes belle ibi assicomo le montania vulcanic Teide cuje apice es plus que 3700 m super le mar con un panorama fantastic. On pote viagar per auto a 2400 m e deinde vader per telephero a ca 3400 m. Regrettabilemente le apice es clause pro visitantes a causa de rationes ambiental. Le risco de avalanches de petras es grande e le telephero ha devenite destruite alcun vices.
Le lingua local es espaniol sed io sempre parlava interlingua quando io parlava a  taxistas, servitores, comissos e porteros e quasi omnes me ha comprendite. Alcunes ha devenite surprendite re mi dialecto e ha mesmo benevolentemente corrigite mi "espaniol". P. ex.on me ha corrigite quando io ha dicite  centos [tsentos] in loco de "cientos" [sientos] e due in loco de "dos". Regrettabilemente necuno habeva audite re interlingua a prior sed nunc plures lo ha, e personas juvene deveniva sovente curiose.
Il esseva un experientia interessante que on pote usar interlingua in iste occasiones. Io nunquam ha apprendite  espaniol sed nunc io anque comprende iste lingue un poco, al minus scriptemente.

Erik Enfors 
Vallåkergat.25 
SE-432 37 VARBERG 
Sweden
Tel: +46 (0)340-875 45 
e-post: [log in to unmask]