Car Jay Bowks, Amicas e Amicos de email,
io ha offerite a nostre Jay le occasion pro criticar le Vaticano e su
convincimentos. Isto poteva esser in le conto, e si Jay ha iste
necessitate, ille debe poter manifestar su criticas.
Totevia io con mi Angelo, ha un belle protection, e un grande commoditate,
perque mi Angelo face illo que io vole e nos duo non ha jammais incontrate
le demonio. Forsan nos duo es assi poc importante que le demonio non ha
tempore pro nos.
Alteremente es nos duo qui es assi forte, que le demonio evita nos.
Il debe esser assi e illo que io non comprende ora, forsan, io lo
comprendera deman.
Illo que debe esser importante es le facto que tote iste themas non me debe
complicar le viver. Io e le angelo que io ha a remulco, nos duo debe viver
seren e un poco licentiose, pro dar un minime de color al vita.

At 12:21 AM 10/22/00 -0400, Jay Bowks wrote: Oh Mario, si ille angelo dice
que ille non sape lo que es mp3 ille debe esser un mentitor! Forsan ille es
un angelo demonic que vole facer te le vita problematic, appella a Johan
Paulo io legeva in le magazine Newsweek que illes al Vaticano usque nunc
practica le exorcismo e in annos recente il ha habite un resurgentia del
practica... lege lo in le sito del Newsweek. Tunc dice tosto "Vade Retro
Satanas!" :-)))

Ecce resolvite le arcanos, ecce le explication.
Il pare un question importante al pari del angelo e del demonio.
Pro me iste son questiones que non es digne de multe attention, alteremente
io passarea un vita a sequer cosas que io non sape e io non haberea altere
tempore pro viver.
No! Illo que conta es que iste original que es Mario Malaguti, pote viver
su unic vita al melio.
Ma io debe leger iste explicationes; era io que le demandava!

----------
mp3 es un formato de files de audio in qual le musica es comprimite e
archivate pro uso in un computator. On pote leger le "track" de un CD, un
canto, e converter lo a un file usabile per le computator que pote esser
archivate in un disco dur. Io ha plus de 200+ de ille files nunc, multe
cantos in anglese e espaniol e musica classic, alcun operas e instrumentales.

Pro medio de un servicio gratis al interrete on pote excambiar files de
cantos con altere personas. Un tal programma, que comenciava le uso de iste
technologias pro intercambio personal, es Napster, que tu pote visitar a
Napster.com e pro illes que usa un Mac il ha Macster. On pote trovar quasi
omne cantos que on vole la! Ha tu audite del canto "Vamos a la playa" ? Il
era mi prime discarga del interrete.

"Vamos a la playa, oh oh oh, vamos a la playa, oh oh oh..."

Sempre a tu servicio, e con reguardos amical, Jay B.
----------

Forsan le mp3 nasceva in Italia, ha io ideas confuse?
Le facto es que si mp3 non es un ver necessitate pro me, illo non deveni un
argumento de mi interesse. Mario es un dribblator exceptional. Ille es un
vita qui dribbla in omne momento. Dribblar in CEID, ab en. to dribble, it.
dribblare, es driblar.
Le question Jay era illo de utilisar interlingua con iste medios e con iste
plagios que, si anque legal, resta totevia un plagio, perque illos non
exprime originalitate.
Io pensa a uno qui ama le musica e que, pro gauder del musica, ha
necessitate del traduction del parolas.
Oh! Isto debe esser un necessitate. Es io que non lo comprende.
E perque isto, Jay?
Il debe esser sempre como pro le question del angelo: io es un instintivo:
o un cosa me place, o un cosa non me place quando io ha le impacto con
illo, le perque non ha importantia.
Io ha problemas con le musica, io non pote ascultar lo per multe tempore e
illo non debe usar tonos irritante. Ma io le musica lo ama pro illo que es
le original, sin facer referentias al parolas.
Le facto es que io non ha cultura bastante, o io ha in me ancora repugnante
le metrica, illo latin. Sape tu que a mi tempore io debeva studiar le
metrica latin obligatorimente. Illes dava al parolas le mesme function del
notas in le musica. Con isto io non amerea le bon audition?
No! Io ama le fin recitation, como io ama le belle musica, ma io resta uno
qui non es actor de prosa, ni musicista. Isto non es grave.
E, ancora un vice, perque Interlingua deberea assumer iste functiones in le
karaoke?
Mi Angelo non me responde. Belle fortia, ille es mi Angelo!

Ah! Io ha un altere curiositate. Como finiva le traduction in Interlingua
del proverbios? Illo era un bon exercitio de traduction, non al littera.

Ciao,

Mario e mi Angelo.