Ab Tribuna del Parlamento Europeo:
http://www1.europarl.eu.int/dg3/sdp/tribeur/es/es9907t1.htm

REFORMAS IN LE COMMISSION DE ROMANO PRODI

Le presidente del Commission Europee, Romano Prodi, ha recordate al plenario su
promissa de inaugurar un nove era de cambios in le Commission. Le structura
organizational del Commission non ha cognoscite grande modificationes desde 40
annos retro. In consequentia, le presidente del Commisson Europee ha declarate
que le reforma es necessari. Prodi ha augurate cambios como le simplification e
rationalization del administration del Commission, que le commissarios sia in le
mesme edificio que le servicios de lor competentia, cabinettos plus reducite e
plus international, regulas plus transparente pro nominationes de alte cargas,
nomines comprensibile pro le servicios del Commission e un nove servicio de
communication pro arrivar al citatanos europee.

Approximar le Union

Romano Prodi se ha sensibilizate specialmente con le approximation del Union
Europee al citatano. Ille tamben ha proponite recuperar le alliantia natural
inter le Commission Europee e le Parlamento como necessari pro ganiar le
confidentia citatan in le Union. Prodi ha argumentate tamben que le nove
composition del collegio de commissarios, que complira su deberes in function de
interesses europee, esseva equilibrate. Ma non totes ha essite de accordo que le
presidente del executivo communitari habeva garantite le equilibrio politic.
Alcun christianos democrate ha emphatizate que le collegio de commissarios
proponite non respectava le resultatos del electiones europee e ha menaciate
bloccar le nomination del nove Commission. Alteres ha optate pro un attitude
conciliatori. In nomine del socialistas, Enrique Barón ha petite que non se
transforma le comparitiones in un "barraca de feria", pro vider qui colpava plus
commissarios, e ha animate a actuar con attitude constructive. In definitivo, un
polemica
que pote esser un anticipation de lo que es a venir in iste legislatura.

Presidentialismo

Prodi ha annunciate que ille exercera su poteres como presidente e redistribuera
portafolios o sollicitara le dimission de un de su commissarios si ille lo
considerara opportun. Ille ha garantite le senso de responsabilitate del
collegio de commissarios e ha recordate le proxime adoption de un nove codice de
conducta que includera regulas stricte pro evitar le conflictos de interesses
quando le commissarios termina lor mandatos.

Caso Bangemann

Precisemente, le potential de conflicto de interesses ha essite evidente in le
debatto del caso Bangemann. In un resolution, le Camera condemna le nomination
del ex-commissario in Telefónica. Concretemente, illo pete que ille reconsidera
su decision. Si Bangemann acceptara le carga in le interprisa espaniol, le
Parlamento Europee sollicita que se denega su derectos de pension e tote le
ulterior beneficios derivate de su carga de commissario. In ultra, le Parlamento
Europee accorda con le decision del Consilio de apportar le caso ante le Corte
de Justitia.

---
PORTAFOLIOS: Secundo EURODICAUTOM:
http://eurodic.echo.lu/cgi-bin/edicbin/EuroDicWWW.pl

pt PASTA; cargo ministerial
es CARTERA; cargo ministerial
fr charge de ministre; PORTEFEUILLE
it carica ministeriale; PORTAFOGLIO
an PORTFOLIO; ministerial post
ge Ministeramt

Webster's II New Riverside Dictionary:
PORTFOLIO n.
1. A flat carrying case for documents or drawings.
2. The position and duties of a cabinet membre or minister of state.
(...)

Dicionário Aurélio Eletrônico v. 1.4:
PASTA s.f.
(...)
12. Espécie de bolsa chata de couro ou de plástico, com divisões ou sem elas,
destinada a transportar livros, documentos, etc.
13. Cartolina ou papel grosso dobrado de jeito que nele se possam guardar ou
classificar papéis, documentos, desenhos, etc.
(...)
16. Fig. Cargo de ministro de estado.

Anglese, francese e italiano basa le parola "portafolio" pro le senso de "carga
ministerial". Portugese e espaniol usa altere parolas ("pasta", "cartera"), ma
illos ha le mesme sensos que "portafolio": le senso real e le senso figurative.

Ensjo.