Car Sr. Pardue,
Con interesse io ha legite vostre lettera. Correctiones? Illos vermente
non pote esser multes! Vos jam scribe quasi sin errores e - per favor -
non considera como un ideal le habilitate de scriber minus simplicemente...
Si le pensata es clar, le expression lo debe esser tamben.
Mi nomine es Ingvar Stenstrom, secretario del Societate Svedese pro
Interlingua e autor de alcun libros e librettos in iste lingua
international, que es pro le momento le sol apud Esperanto que ha un
movimento,
organisationes con membros, offere cursos e publica nove libros.
Nostre proxime Conferentia international habera loco in Romania,
le 24 - 21 de julio. Incontros "national" occurre a intervallos
irregular.
Io insere (intra [ ]) in le texto in infra alcun remarcas.
----------
> Från: David Pardue <[log in to unmask]>
> Till: [log in to unmask]
> Ämne: questiones de un commenciante
> Datum: den 17 mars 1999 19:30
>
> Estimate membros del lista:
> Bon die. Mi nomine es David Pardue, io labora como bibliothecario
universitari. Io recentemente discoperiva Interlingua; io justo finiva le
lection numero dece-un del texto introductori de F.P. Gopsill. Illo me
place proque io ama linguas romance - - anque le idea de linguas auxiliar
(io es esperantista).
>
> Io confessa que mi habilitate nunc es passive e limitate. Io scribe
difficilmente [difficilemente]; io debe cercar multe parolas in le
dictionario. Vole ben pardonar mi errores de grammatica e le linguage
simplice . . . Io spera que potera scriber alique de plus complicate
tosto.
>
> Con vostre permission io volerea poner questiones varie:
>
> 1. Ben que io ancora non es capace de corresponder in Interlingua, esque
UMI coordina/opera un servicio de correspondentia que es simile a KSM en
Esperantolandia?
> [Io non sape lo que es KSM, sed nos non ha establite un servicio de
correspondenta; correspondentes se cerca in le columnas del magazines.
Io ha le impression que homines in nostre dies, non ama corresponder
per letteras, e illes certo non ha le tempore mesmo si le inclination non
manca]
2. Qual libros recommendarea vos pro commenciantes?
[ Totes que non tracta themas troppo difficile (como le libros del
Universitates papal de Roma) Le libros original de A.Petit (Casa
del sonio) e Toma Macovei. Traductiones de Pian Boalt.
Si vos interessa "Interlingua e interlinguistica" per Leland Yeager e me
io poterea recommendar lo, sed non lo face a causa de modestitate...;-)]
> 3. Opina vos que le revista "Panorama" es troppo difficile pro
commenciantes?
[Multo facile a causa de su textos breve e su linguage moderne]
> 4. Esque on sape, quante personas parla Interlingua? In qual paises
reside illes?
[No, on de facto non lo sape; io demandava a nostre tresorero del numero de
nostre _membros_ ante alcun dies, sed non mesmo ille poteva dicer lo,
a causa del systema de acceptar membros non pro un anno calendari,
sed pro dece-duo menses, lo que significa - ille dice - que le numero
aria cata die... Io ha personalmente inseniate inter 800-1000 personas
in Svedia durante le ultime trenta annos. Nos - regrettabilemente - es
mal a facer les entrar nostre organisationes. Un del differentias
essential inter Interlingua e Esperanto es que, durante que Esperanto
es utile in proportion al numero de homines attingibile intra le movimento
espista, Interlingua es usabile non solmente intraorganisationalmente
sed inter homines qui parla linguas romanic.
Io ha practicate isto durante multe annos - e ha apprendite poco a poco
comprender le italianos, e hispano- e lusophonos. Iste tres gruppos de
romanophonos conta 500 milliones. Adde a isto franceses, qui sape leger
I-a e sovente mesmo comprender lo parlate]
> Io vos regratia pro vostre auxilio e consilios. Intertanto io ascoltara
vostre conversationes in iste lista e forsan mi cognoscimento meliorara,
nonne?
Vostre cognoscimento jam es bon!!
Cordialmente,
Ingvar Stenström
>
Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>
ICQ UIN nr. 26993308
|
