-----------------------------------------------------------------
Le Guerra Hibernal 1939--1940 inter le Union Sovietic e Finlandia
1939 Novembre 01, le 1me die del guerra
-----------------------------------------------------------------
PRIKAZ DEL DISTRICTO MILITAR DE LENINGRAD
1939 OCTOBRE 30
Cameradas soldatos del Armea Rubie, commandantes, commissarios e
politrukes!
Exequente le volo sancte del Governamento Sovietic e nostre grande
stato, io prikaza:
Le truppas del Districto Militar de Leningrad transversa le frontie-
ra, annihila le truppas finlandese e assecura un vice pro semper le
securitate del frontieras de nord-west e le urbe de Lenin, le vacca
del revolution proletari.
Nos non vade a Finlandia como conquisitores, sed como amicos del
populo de Finlandia e como liberatores del jugo de proprietarios rural
e capitalistas. Nos non vade contra le populo de Finlandia, sed contra
del regime de Cajander-Erkko, que ha provocate le guerra contra le
Union Sovietic.
Nos honora le libertate e soveranitate de Finlandia, que le populo
de Finlandia ha obtenite per le victoria de Grande Revolution de
Octobre e le potestate de sovietes. Pro iste soveranitate luctava
junctemente con le populo de Finlandia le bolszevikos de Russia
vanguardate per Lenin e Stalin.
Le soviet militar es firmemente convincite que le Districto Militar de
Leningrad honorabilemente completa su sancte obligation al Patria,
totalmente annihila le inimico e ita pro semper fini al bellicistas le
accesso al Golfo de Finlandia e Leningrad.
K.I.Meretzkov
Komdarm de 2nde classe
Commandante del Districto Militar de Leningrad
-----------------------------------------------------------------
Le Guerra Hibernal 1939--1940 inter le Union Sovietic e Finlandia
1939 December 01, le 2nde die del guerra
-----------------------------------------------------------------
03:00 Le parlamento de Finlandia era evacuate per ferrovia a
Kauhajoki.
__
\ NORVEGIA ___ \ __ ______
\_ / \ | \/
| \ | \ / |
\ \___ / |/ /
\_ \/ /
\ /
| |
| \
| \
| |
| |
SVEDIA | |
___\_ /
_/ \ |
_/ __| |
/ / |
/ / \ UNION SOVIETIC
/ _/ \
/ _/ |__
/ / \_
/ \
| FINLANDIA \
| |
| o Kauhajoki |
| |
| __ /
| / \_/
\ Hel- Teri-| \
\ sinki o______joki \_ \
\_ ___/ \__o/ \ |
\/ \ \__/
_ oRussarö ___|o
|A| _________/ Leningrad
\_/
ESTONIA
___
100 km
--:-- Declaration del Radio Moskva:
Secundo le novas de radio audite ex Finlandia del Est il ha
habite loco in le citate (1) de Terijoki un convention civic
secundo que on ha fundate un preliminari regime popular de
Finlandia. On ha nominate como prime ministro e ministro del
affaires estranieri Otto Wille Kuusinen, le secretario del
committee executive del Komintern (2). Le ministro del
affaires interior es Tuure Lehen e le ministro del defense
Akseli Anttila, un general del Armea Rubie (3).
Le plus importante articulo del programma governamental es le
fundation del armea popular de Finlandia e demandar adjuta del
Armea Rubie. Iste regime del obreros subjugara le regime de
abattitores (4).
------------------------------------------------------------------
Commentarios de Allan Kiviaho: (1) De facto solmente un parve
village proximo de frontiera, un popular banios public. (2) Otto
Wille Kuusinen era etiam secretario personal de Stalin e membro
del Politbureau qui miraculosemente superviveva omne purgas in
le Union Sovietic. (3) Lehen e Anttila era communistas finlandese
qui habeva refugiate al URSS post le guerra civil in Finlandia in
1918. (4) Le rubies in le guerra civil appellava le blanches como
"abattitores", "lahtari" in finnese, un svetisismo ("slaktare")
in svedese.
In iste dies le television e pressa finlandese ha comparate le
attaccos de Russia contra Finlandia in 1939 e contra Czeczenistan
hodie. In Finlandia le russos fundava "le regime de Terijoki" -
benque le poc battaliones e companias de truppas de protection
de frontieras finlandese ancora luctava a Terijoki contra le
divisiones sovietic. In Czeczenistan le russos fundava "le regime
de Terekjoki" ("joki" = rivo) con le collaboratores czeczen (?).
--:-- Le chassatores e artilleria contra-aeree finlandese abatteva 13
bombatores sovietic, duo de illos super Helsinki. In Golfo de
Finlandia un moderne cruciator sovietic, "Kirov", escortate per
duo destructores passa Russarö, un parve insuletta ante
Hanko/Hangö. Post un breve duello con le artilleria costari
finlandese le naves sovietic dispare. Al Isthmo de Carelia occurre
un grande tragedia. De un abattate bombator sovietic duo aviatores
ha escappate in un granario. Un patrulio es inviate pro arrestar
illes. Un russo fusila con su pistola le chef de patrulio,
lieutenant Jorma Gallen-Kallela. Su patre, Akseli Gallen-Kallela
era un artista de fama mundial e ille ipse era etiam un artista
promittente. Detra lieutenant Gallen-Kallela stava capitano de
cavalleria Adolf Ehrnrooth qui fusilava le russo. Per su morte
lieutenant Gallen-Kallela salvava le capitano Ehrnrooth qui
deveniva un legendari commandante de regimento in le guerra
1941--44. Adolf Ehrnrooth vive ancora habente 86 annos, benque
ille era multo gravemente ferite plus tarde in le Guerra
Hibernal. Ille ancora porta un myriad de fragmentos in su
corpore. Ille es considerate como le plus grande vivente
heroes national de Finlandia.
Allan Kiviaho
|