Martijn Dekker ha scripte:

> Historicamente interlingua ha habite su plus grande successo in
> paises non-romanophone. Como pensa tu que interlingua pote attinger
> successo in Latinoamerica?
>
> Interlingua pare subinde provocar reactiones denigrante de
> romanicophonos; un persona espaniol e un persona italian ha dicte in
> newsgroups que interlinga es como "parlar Jar Jar Binks" (secundo le
> character pauco intelligente del ultime film Star Wars).
> Apparentemente interlingua es percepte como un version inferior de
> lor linguas maternal.

Martijn ha alcun senso in su commentos. Ma iste reaction non es limitate
solo a romanophonos. Iste reaction adverse, ancora sin cognoscer super que
se parla, il es commun pro multe personas de qualque lingua materne. Io
mesmo habeva experientias que me surprendeva super iste comportamentos.
Quando io presenta interlingua a altere personas multe se surprende de que
alco como interlingua existe. Multe se ride del cerca de un lingua
international. Il es commun ascoltar de alteres que iste cerca non es
necessari proque le anglese jam es le 'lingua del mundo'. Ma lo vermente
surprendente de multes qui affirma iste opiniones es que illes non parla
anglese e ni pensa apprender lo. De maniera que ille forma de pensar es un
dramatic exemplo de "autolimitation cultural". Iste reactiones negative es
commun, ma demonstra que multe gente se autolimita con prejudicios que
illes mesme nutri.
Nonobstante, alco que me surprendeva gratemente era le reaction del filios
de mi empleatores. Illes ha septe e octo annos, e quando io le monstrava mi
travalio in le glossario espaniol-interlingua illes considerava 'natural'
que il habente tante linguas in le mundo, il existerea un lingua commun e
relativemente facile de apprender, e illes me demandava proque iste lingua
non era cognite pro omnes. Il es notabile que iste mesme reaction io teneva
quando era parve e teneva cognoscentia de Esperanto, que appareva como un
lingua inter alteres in un micre dictionario multilingue de un revista
infantil que mi patres me comprava regularmente. Le infantes evidentemente
non ha prejudicios e illos ha le mente aperte. Le inseniamento moral que
iste facto produce es que forsan, a vices, il es bon pensar como infante
pro crescer intelectualmente

Con un parve inseniamiento philosophic...

Horacio