Le divertente conclusion del message per Stan, me faceva incontrar de novo
multe factos evenite in mi vita infantil in le relationes con le personas
adulte.
Forsan perque io nasceva sex dies antea le secunde guerra mundial e io
initiava le schola quando le guerra era terminate de poc menses.
Per exemplo, in mi prime menses de schola, io ancora non legeva in
italiano, ma io tornava (to turn over) paginas e paginas de magazines american.
Mi idolos era le contos a designos.
Vos non credera, ma io, gratias a mi mamma, conserva ancora duo designos
que io faceva in le 1946. Le fonte de iste designos era le contos a
designos que io videva assi numerose, gratias a mi "amicos" de illo dies,
qui era le truppas de occupation alliatos.
Io ha plus facilitate a recordar factos belle, nonobstante que in illo
tempore io habeva jam vivite le guerra, le bombardamentos, le prepotentia,
le morte del personas.
Io pone le morte pro ultime: illo ha quasi un significato de liberation
quando tu proba le altere aspectos.
Nonobstante iste predisposition io crede de non oblidar necun facto de illo
annos, le annos de un infantia que forsan io non ha habite.
Le personas adulte ha un influentia determinante in le vita de un puero.
In iste dies duo pueras, una de quatro, le altere de octo annos, perdeva le
vita a causa de duo stupratores (pro violation carnal).
Illas ha cessate de recordar cosa sape facer le personas adulte.
Quando io apprende iste novas, io ha un reation personal que, forsan, me
reconduce a mi annos del infantia. Forsan io proba le mesme pavor de illo
tempore. Io non sape exactemente. Forsan io continua a defender me, como al
tempore de quando io era puero, e circum me io habeva solmente adultos.
Ubi es le altere pueros de mi infantia?
Si, io recorda anque le altere pueros, ma super toto io ha ben presente le
personas adulte.

Stan, io initiava a frequentar le universitate pro poner me in le via del
carriera del professor, solmente que alcun septimanas postea io initiava
anque a laborar e, a deo le studios universitari.

No! Pro mi fortuna io debe haber apprendite de sempre como uno debe evitar
le conditionamento (le facer se conditionar) de parte de un adulto.
Le vita poterea esser anque plus simple, o minus banal.

Sempre un bon die e ciao,

Mario

PS: Stan, a 60 annos io ora face le pictor. Il es como haber initiate un
nove vita. Io es active al minus octo horas per die.
Con circa 35 grados centigrade, pro le information del mi amico Kjell.
Oh! Io es jam in reterdo iste matino, al novem io debe esser jam in area de
labor!


Al 05:58 PM 8/20/00 -0400, STAN MULAIK scribeva:

>Con su action de batter tu aures, illa poco sapeva que illa tu condemnava
>a un vita como un contabile e non aquello de un professor.  Il non ha
>alcun numeros obscen, solmente litteras.
>
>Ha un bon die, Mario!
>
>Stan