Jay Bowks,

io debera trovar le modo de cognoscer te de persona, assi nos potera mitter
in practica nostre respective costumes de vita.
Postea nos habera necessitate de un bon periodo de reprisa!

Al 07:53 PM 7/12/99 -0400, Jay Bowks scribeva:

>Ay, mi car amico italiano, tu es un italiano como tu
>non cognosce le "dolce vita"? Ah, es ille sentimento
>solmente del Romanos? Vos non ha bastante gaudio
>in Treviso?

Tu deberea provar de persona e intra nos duo serea tu a ganiar de un
sojorno a Treviso, in comparation a mi venita in tu Pais.
Veni mi hospite e tu constatara!

>Io debe ir pro la e con alcun de mi familia
>de Sevilla dar un bon festa pro gaudiar vos omne!
>Con multe "jamon serrano" e multe bira espaniol e
>multe amicas con surridente facies... e con le sono del
>guitarras e del cantos flamenco... ;-)

A tu bira io potera contraponer mi birras e in plus vinos e grappas. Vos
debera esser ben preparate.

>Proque sta tu tanto triste mi amico? Conta me e io plora con te... dice me
>e con duo contos nos potera comprender un al altere...
>Lassa me dicer te alcun del comic cosas de iste infelice
>vita mie e nos ridera, si nos pote, pro un momento, e oblidar
>nos del tristessa de nostre angustiose vitas.

Car Jay, io ha sempre practicate un regula in mi vita. Illo es simple:
quando un qualcunque cosa se presenta complicate, evita lo, perque deman
illo poterea esser minus complicate e, le jorno post deman, anque simple.
Ma io non ha solmente un regula. Isto serea monotone!
Un altere regula es: dice subito illo que tu pensa. Isto pote complicar te
le vita, ma tu habera un belle satisfaction con te mesme.

>Alcun vices, mi amico, io me oblida que io es un "datate".
>Mais necuno me ha date necun cosa pro medio de Interlingua
>minus que amicitate e placer in conversar. E iste lista nostre
>INTERLNG (io dice nostre pro que nos lo usa activemente),
>assi nos lassa gaudiar in le amicitate que nos trova pro medio
>de un message o duo cata die e in alcun dies un plethora de illos,
>un ver diluvio de dulce duchas, le parolas amical de nostre amicos.

Quando tu frequentia un belle compania, tu debe gustar le beltate e
supervolar le altere aspectos. Altere regula: non te preoccupar contra le
inevitabile!
Mi Patre Celeste, al fin, es un bon patre e perdona sempre. Se habera Ille
perdonate pro tote le complicationes que Ille me ha facite trovar?
Ille sape que io ha iste interrogativos!

>Ah, Mario, tu non ha ration, mi amico, tu es datate, e plus
>"datate" que le Papa. Tu usa parolas del Latino (le moderne),
>ma si, del hereditage del Classicos. E tu gusta de pinctar frescos,
>e como isto es que non es datate? Tu es un "datato", si tu es un
>"amabile datato" e un ver "datato italiano" con un corde gentile
>como Giopetto del conto de Pinocchio. Pro que debe tu esser
>triste? Veni, non sia, tu non debe haber tristessa, gaudia te del
>benedictiones de tu vita e vamos oblidar le passos ardue de tanto
>petras al via, joca "futbol" con cata un del petras a tu passos....
>Ecce... la va... Goooooollllll.... gaudia te e non oblida que tu
>es un "datato" in mi libro.
>
>;-)
>
>Ride te e non me face ir a Italia :-)))
>
>Con un grande abbracchio pro mi amico Mario sempre,
>amicalmente,
>Jay B.


E no! Car Jay! Io non joca "futbol" con cata un del petras a mi passos!
Si! Io pensa a vices de esser folle, ma non assi folle.
Io prefere facer le slalom!
Evita le obstaculos!

Le Papa! Quando io pensa a iste institution io proba le sensation de
pertinir a un historia de duo milles annos. Vide, car Amico, io ha ben
motivos pro sentir me un grande complication. Al fin io proba un
irrenunciabile sentimento de appertinentia a tote le passato, a iste
presente, e io, como un commun catholico, comocunque catholic e nonobstante
isto non practicante, io senti de pertiner a mi Ecclesia. Le Papa confide
anque in illes como me. Nos es le reserva, sempre fidel e pronte.

Io, datate? Tu deberea vider como io ora me move supra le trabatura, como
io face le scalas, distribue le exalbo, o io "batte" le pincel. Esque tu
crede que le pictura a fresco sia un activitate "de salon"? (frivole).

Iste vice, car Jay, tu ha scribite un melior interlingua. Vide tu que isto
es simple e possibile?

Ciao,

Mario