Evidentia de ADN Absente in
Caso de Homocidio de 1981

ATLANTA - Le 25 de octobre 2000
Le Atlanta Journal-Constitution

Analyse per laboratorio falle de
probar que Felker stuprava e
occideva studente collegial.

Per Rhonda Cook
[log in to unmask]

Le ADN del assassinator de Joy Ludlum
non poteva esser trovate in le
evidentia biologic collectionate
del corpore del studente collegial
de 19 annos, un laboratorio in
California diceva martedi.

Le trovata per Forensic Science
Associates (Associatos de Scientia
Forensic) de Richmond, California,
finiva le melio opportunitate que
probas de ADN pote probar si o non
Wayne Felker stuprava Ludlum, un
crimine pro le qual ille esseva
executate quatro annos retro.  In
un littera con duo paragraphos
le laboratorio diceva martedi que
illo trovava necun evidentia de
sperma in porta-objectos preparate
durante le autopsia del corpore del
femina juvene.

Le laboratorio va subsequentemente
probar materiales trovate sub le
ungulas de Ludlum pro evidentia de
ADN, mais le coproprietario del
laboratorio, Edward Blake, ha
dicite que il es improbabile que
ille va trovar alque conclusive
alla.  Blake tamben labora de
determinar qual capillos individual,
usate al judicio pro associar
Felker al victima, pote esser
subjecte al proba de ADN.

Le Atlanta Journal-Constitution e
tres altere organizationes de
periodicos vinceva un ordine de
corte in julio a lassar le evidentia
usate in le judicio del homicidio
de 1981 esser subjecte al analyse
de ADN.  Felker esseva convicte
primarimente secundo evidentia
circumstantial in 1983, a un tempore
quando le technologia de ADN non
esseva disponibile a investigatores
forensic.

Al tempore del judicio, expertos del
Laboratorio de Crimines diceva que
illes credeva que Ludlam esseva
stuprate, mais illes reportava
que illes trovava necun sperma post
tamponar partes de su corpore. Mais
Blake, post revider le evidentia,
diceva in augusto que le laboratorio
del Stato non poteva haber obtenite
aquelle conclusion proque illo non
ha preparate le evidentia pro
proba.  "Suprisa," diceva
le Accusator Public del Contato de
Houston, Kelly Burk, quando
informate del resultatos del proba.
"Aquello es consistente con lo que
nos credeva ver ... 17 annos retro.
Io non es secur que es a ganiar per
additional probas.  Mais il non es
mi moneta."

Felker esseva executate in novembre
de 1996 durante que su homines de
lege pulsava con urgentia a facer
aquelle porta-objectos esser probate
e a digerer le contos de cassas
de evidentia trovate annos post le
judicio.

"Io vole que illo haberea essite
plus conclusive," diceva homine
de lege Mike Mears, qui participava
in le appellos al ultime minuta de
Felker quatro annos retro, super le
resultatos del probas currente.
"Ille non recipeva un judicio juste
proque tanto multo del evidentia
esseva retenite.

Phillip Brown, un judice in le
Circuito Judicial de Macon, qui
esseva un homine de lege in le
equipa de defensa de 1983, diceva
que le resultatos ancora lassa
questiones sin responsa e non
significa que le caso del Stato
contra Felker esseva solide.

"Le probas non ha probate que
Felker faceva iste acto como
illes haberea facite si ille
habeva facite lo," Brown diceva.
"Lo que remane es a vider si le
probas [del capillo]  proba que
le caso del Stato esseva reliabile
o non."

Un investigator del Laboratorio de
Crimines in 1983 testificava que
22 del 180 capillos trovate super
le corpore e vestimentos de Ludlam
appareva similar a aquello de Felker,
basate super un visual examination
per microscopio.  Analyse de ADN
de aquelle capillos, si illes pote
esser identificate, poterea
determinar si o non aquelle trovata
pote esser corroborate.

Felker diceva al policia que Ludlam
veniva a su casa proximemente ante
que illa esseva reportate disparite,
pro un interview con ille super un
empleo a su corieria.  Su homines de
lege diceva que aquelle visita explicava
proque su capillos poteva esser trovate
in su vestimentos.
>>>
Traducite per Stan Mulaik