Subject: | |
From: | |
Reply To: | INTERLNG: Discussiones in Interlingua |
Date: | Fri, 9 Apr 1999 13:10:50 -0500 |
Content-Type: | text/plain |
Parts/Attachments: |
|
|
Car amicos,
Un del rationes proque io me ha adherite al INTERLNG es pro
apprender non solmente interlingua, ma un poco del ideologia de altere
personas. Io debe dicer que in iste mense passate io ha apprendite multo del
maniera de pensar de multe de vos. Comno vos sape io ha 34 annos, ma io non
pensa que io lo sape toto. Io face multe demandas o io exprime un opinion, e
post io apprende con vostre commentarios. Alcun vices io ha cambiate mi
opinion o maniera de pensar.
Io non vole causar polemica, io sol vole apprender interlingua, e
credo que una maniera de apprender es exprimendo mis ideas. INTERLNG me
place proque ci io ha trovate adjuta pro apprender, e proque ci io pote
leger le interlingua vivente. Le interlingua que vos usa cata die pro
communicarse. Vermente io ha apprendite multe parolas assi, legendo le
postas electronic (e-postas) ci.
Ora que io cognosce un poco plus de interlingua, e que io es
adherite al UMI, io vole saper illo que io pote facer pro dar a cognoscer
interlingua. Io ja ha parlate a alcun amicos mies super interlingua, e un de
mis amicas e interessate ja que illa es 'linguista'.
Alcun ideas? In tanto io ja ha requestate alcun materiales/libros
pro studiar e pro monstrar a mis amicos. Il me placerea fundar un
organisation pro interlingua in Mexico, mi pais de origine...
|
|
|