Car Interlinguistas:
Esque vos ha legite o viste le reportos in re le incendio a bordo del nave
Ecstasy in le porto de Miami? Sin dubita, si. Lo que es saliente pro me es
que habeva problemas de communication inter le passageros e membros del
tripulation durante le incendio. Tal problemas linguistic in iste caso
poterea esser multo periculose e minaciarea le vita del passageros e
tripulation. Iste non es le prime caso ubi le incomprehension linguistic ha
causate periculo o etiam mortes (memora vos le accidente del avion American
Airlines in Colombia?). Fortunatemente non habeva mortes a bordo del
Ecstasy, sed le possibilitate de un tragedia causate per le carentia de
intercommunication existe ancora in nostre mundo. Iste casos demonstra ben
clarmente que anglese non es "le lingua international" que on proclama si
sovente! Io spera que un die nostre lingua pote esser usate como medio de
communication commun inter totos!
Sperabilemente,
Esteban