Le pressa de Switza reportava le facto que
demonstra le intelligentia del animales.
Un elevator de Lect (Jura francese, Elysse
Chevron, 36 annos), debe su vita a su cana
pastor german que durante 6 horas, ha trainate
le, evanescite, de un pastura usque su lecto.
Ante dece annos le matre de Chevron, cultivatrice,
habeva essite ferite de fulmine e commotionate.
Quando illa sortiva del hospital, su latere sinistre,
bracio e gamba er inerte. Ille deveniva dunque
elevator de oves e organisava un proprie overa in
le alte Jura, presso Moirans.
Cata matino, a quatro horas, ille meneva su bestias
in le montania. In un recente soledi vespere Chevron,
reveniente a su ferma, decideva finir unbuxo de conserva
de phaseolos. In le nocte ille sentiva se mal; circa 6 horas
del matino, ille cadeva evanescite in le medietate de un
rivo traversante le pratos.
Alora le cana Galine reassemblava le grege, redescendeva
lo con le adjuta de altere canes usque le stabulo, includeva
le bestial e iva retraher Sr. Chevon ex le rivo. Agente per
patas e dentes, illa compelleva su maestro usque le prime
etage, al pede de su lecto. Pois Galine ululava al morte
usque le vicinos sia alertate. On vocava le doctor, e le
sequente die Sr. Chevron reveniva al vita. Hodie ille
es completemente resanate.
--
[log in to unmask]
L(©¿©)K!
http://adam.cheshire.net/~jjbowks
|