Per hasarde, o quasi per accidente, ego ha legite
le libro Le prophetia celestine in un traduction
svedese. Le titulo svedese significa Le none
gnosis (comprension, intelligentia). Realisation
sembla esser solmente anglese et non se conta.

Le libro narra de un americano qui per semblante
occasional incontros deveni consciente del
existentia de traductiones de un vetuste
manuscripto que narra de un nove gnosis del
energia personal et un possibilitate pro le humano
developar su personalitate et functionar melio pro
se ipse et le mundo circum ille.

Ego ha audite que le libro faceva un tremende
successo in le statos. Pro me illo sembla esser un
specie de paraphrase al libro (et filmo) de
Shirley MacLain "Verso le extremissime branca"
(Out on a limb).

Viste que ego alternativemente lege un libro de
fiction scientific "Ligamine" (Link) que narra de
artefactos lassate de extraterrestriales qui in le
alba del humanitate visitava le terra, ego me
demanda si Peru in le conscietiositate moderne ha
devenite "Le mysteriotheca" del mundo, le arco del
secretos, le tresoria del cosas mysteriose.

Forsan antea Tibet jocava ille mesme rolo con le
mytho shang-ri-la etc.

Esque alcun de vos ha visitate le ruinas de Machu
Pichu?

Scribeva

Cellus