Subject: | |
From: | |
Reply To: | INTERLNG: Discussiones in Interlingua |
Date: | Sat, 30 Jan 1999 19:56:41 +0100 |
Content-Type: | text/plain |
Parts/Attachments: |
|
|
Le historia, particularmente illo que nos apprende in nostre scholas, pote
esser multo partial, pro exprimer le cosa satis cautemente ;-)
Mi schola habeva un excambia con scholares danese, e isto era multo
interessante. Nos naturalmente parlava de nostre historias, ubi cata
"latere" sapera multo ben le bon e heroic cosas le duo paises habeva facite
ma non specialmente ben rememorava o mesmo sapeva del factos mal. Un
excellente exemplo de isto es le rege Danese Christian II que in nostre
historia es appellate Christian le Tyranno, e nos omnes sape del "Banio de
sangvine stockholmense" in 1521 quando "ille" decapitava un numero de
aristocrates svedese qui era in opposition contra ille. Que iste mesme
_tyranno_ al mesme tempore era Christian le Bon in Danmark es un cosa que
poco de nos Svedeses sape.
Io spera que on via le Union Europee potera incoragiar un plus objective
inseniamento de historia, in le qual on debe etiam demonstrar le positive
cosas que varie paises ha facite. On debe explicar pro qual causa on faceva
varie actos in le historia. Isto naturalmente es multo difficile, proque le
historia es sovente usate pro describer le proprie pais in un lumine tanto
positive que possibile.
[log in to unmask]
Kjell Rehnstroem
Vaenortsgatan 87
S-752 64 UPPSALA
Svedia - Sweden
|
|
|