Sender: |
|
Date: |
Thu, 8 Apr 1999 09:02:48 +0200 |
Reply-To: |
|
Subject: |
|
MIME-Version: |
1.0 |
Content-Transfer-Encoding: |
8bit |
Content-Type: |
text/plain; charset=iso-8859-1 |
Organization: |
System Armann |
From: |
|
Parts/Attachments: |
|
|
Salute!
Alcunos de nos ha contate de memorias de evenimentos guerral in april.
Hic un parve conto de me como exercitio in interlingua.
Le 9e april Adolf Hitler ha comenciate su occupation de Danmark e
Norvegia, le vicinos de Svedia. Mi patre qui esseva officiero, major, in
le armea laborava in le plus alte administration del defensa (ang.
headquarter) in Stockholm ubi nostre familia viveva in iste tempore. Le
officieros non esseva permittite durante plure septimanas a pernoctar in
lor casas con lor familias. On ha timate un colpa de terroristas con
nazi-sympathias a eliminar personas importante. Mi matre, mi soror e io
esseva multo inquiete. Io habeva solmente 12 annos e io habeva mi
attention permanente a lo que passava. Nos poteva parlar con mi patre
per telephono cata die. Mi patre ha me consiliate a audir le
radioemissiones, non solmente le svedese, ma anque le germano e le
anglese. In iste tempore io pote comprender un poco de germano e
anglese. Io ancora me pote rememorar, ex tempore, le station
Soldatensender West: "Achtung, Achtung! Wir geben die Luftlagemeldung.
Kein feindliches Kampfverband befindet sich jetzt über dem Reichsgebiet.
Ende der Meldung." (Attention, attention. Nos da le situation del querra
aeree. Nulle corpores inimical se trova super nostre pais. Fin del
message.) Plus tarde in del guerra mundial io sovente ha audite AFN
(American Forces Network) Le emittor joca multo cantos de jazz, que me
ha interessava. Le banda de Glenn Miller jocava in Europa in iste dies.
Io ha parlate re isto con mi sposa Agneta heri. Illa ha anque tal
memorias. Le patre de illa esseva officiero in le marina e esseva le
chef de un chassa-torpedineros* (ang. destroyer, ger. Zerstörer). Le
ordine pro ille al 9e april esseva a trafficar le stricto Öresund (inter
Danmark e Svedia) con velocitate maximal "pro demonstrar a Hitler que
nos esseva vigilante in Svedia". - Hitler non ha attaccate Svedia in
iste guerra.
* Le nomine de iste nave esseva Stockholm. Plure, plure annos plus tarde
io esseva capitano in le artilleria in nostre armea e chef de un
compania in Svedia nord. Nostre canones del calibro 12 cm esseva le
mesme conones que ha pertinite Stockholm. Illos esseva demontite del
nave e esseva nunc fixate in le rocca in mi compania. Le patre de mi
sposa Agneta ha multo ridite quando io le ha contate ubi su conones nunc
se trovava.
Nota. Io non es secur si io ha trovate le correcte parolas militar e
technic. Commentarios son benvenite. Iste foro es anque pro exercitios!
Salutes amical
Jan
--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel & Fax +46 (0)90771525; e-mail:
[log in to unmask]; [log in to unmask];
[log in to unmask]; [log in to unmask]
ICQ - UIN nr:785745;
http://www.algonet.se/~armann
|
|
|