Subject: | |
From: | |
Reply To: | INTERLNG: Discussiones in Interlingua |
Date: | Mon, 5 Feb 2001 18:46:01 -0200 |
Content-Type: | text/plain |
Parts/Attachments: |
|
|
Car amicos,
Io observava le registro de accessos de mi providitor de Internet pro le
ultime 25 dies e ha notate un facto curiose.
In mi sito personal il ha un section de musicas traducite. Le
pagina-indice de musicas es iste:
http://www.nautilus.com.br/~ensjo/interlingua/textos/musicas/index.html
Totevia, io observa in le registros que le paginas de cata musica
individual es PLUS accessate que le pagina-indice, alcunes mesmo DUO VICES
PLUS:
accessos - pagina
23 - index.html (le pagina-indice)
37 - oldfriend.html
37 - 29.html
40 - giz.html
42 - oscegosdocastelo.html
44 - pradizeradeus.html
44 - straniamori.html
46 - camila.html
46 - nem5minutosguardados.html
48 - montecastelo.html
Que explica isto? Simple! Le paginas de mi sito es registrate in AltaVista
e altere mechanismos de recerca. Quando le personas recerca un de iste
musicas, illes attinge le pagina correspondente de mi sito directemente,
sin passar per le pagina-indice.
Assi, ora que io observa le aspecto del paginas con le textos del musica,
io nota que illos ha un grande potential propagandistic que non es
profitate. Nulle mention al nomine "Interlingua", solmente le traduction!
Hm... Io debe adder un ligamine a un pagina de presentation de Interlingua
in CATA UN de iste paginas!
Extendente le ratiocination: Le musicas es un modo simple de attraher
personas a tu sito. Multe personas se interessa de musicas e los recerca
in Internet. Si tu disponibiliza paginas BILINGUE con traductiones de
musicas de successo, multe personas va attinger tu paginas, e cognoscera
Interlingua!
Que altere typo de cosas le personas sole cercar in le Internet? Isto pote
esser un bon campo a exploitar. Crea un pagina bilingue super tu
passatempores (hobbies), tu interesses personal, o tu activitate
professional, e registra los in le mechanismos de recerca. Le personas va
trovar tu paginas in lingua national, e entrara in contacto con le version
in Interlingua!
Io constata que mi pagina in portugese super le Carmina Burana ha recipite
147 visitas recentemente. Mi pagina super Joco de Rolo (JdR, RPG,
Role-Playing Game), 423 visitas! Io pensa ora a crear versiones in
Interlingua de iste paginas... :^)
Propagandisticamente,
Ensjo.
|
|
|