>Mario e le supino:
>
>- Que es iste supino?
>- Perque illes usa le termino supino?
>- De ubi nasce iste termino, pro lores?
>- Que vole illes dicer quando illes usa le termino supino?
>
>Vide vos, io vade in crise!
Ah, Mario, debe nos repeter un discussion antea super iste topico,
que a aquelle tempore nos faceva pro tu?
In dictionarios del latino un verbo es listate como
capio, capere, cepi, captum
amo, amare amavi, amatus
moneo monere monui monitus
rego regere rexi rectus
audio audire audivi auditus
Aqui nos vide le 4 principal partes del verbo que monstra
le tres themas de que tote le formas del verbo pote esser
facite per adder le proprie suffixos. Le principal partes
es le presente indicativo, le presente infinitivo, le perfecto,
e le perfecte participio.
In interlingua on listarea:
cape, caper, capeva, capite/capte
ama, amar, amava, amate
mone, moner, moneva, monite
rege, reger, regeva, regite/recte
audi, audir, audiva, audite
Le formas supinal o le supinos es le formas (irregular) del perfecte
participio.
Interlingua conserva le duo formas del perfecte participio.
Le forma plus regular (le debile forma) adde -te al forma
de verbos que fini in -ar e -ir e -ite al thema del infinitivo
post remover -er. caper -> capite, amar -> amate, moner -> monite,
reger -> regite.
Le formas irregular del perfecte participio es basate super
le secunde thema. caper -> capte, reger -> recte. Quasi tote
verbos con perfecte participios irregular fini in -er. Totevia,
non tote le verbos que fini in -er ha perfecte participios
irregular.
Le importantia de iste formas es que le majoritate de derivativos
in -ion, -ive, -ura, -or, -orio es basate super adder iste suffixos
a formas del perfecte participio post remover le -e.
moner, monite, monition, monitive, etc.
crear, create, creation, creative, creatura, creator
audir, audite, audition, auditive, auditura, auditor
In le caso de verbos con formas irregular del perfecte participio
derivativos es basate usualmente super le forma irregular in loco del forma
regular del perfecte participio:
caper, capte, caption, captive, captura, captor
in loco de
caper capite, capition, capitive, capitura, capitor
Ila:
corriger, corrigite/correcte, correcte, correction, corrective, corrector, etc.
In le linguas moderne, le perfecte participios del francese e italiano es
basate super le formas irregular del latino. Espaniol usa debile formas
del perfecte participio, correspondente al formas regular de interlingua.
Mais le espaniol ancora ha multe derivativos basate super le formas
irregular in le latino regir -> rector, corregir -> corregido, correccio'n,
correcto, correctivo
In italiano
correggere -> corretto, correzione, corretto, correttivo
On non pote demonstrar le regularitate in le derivation de parolas sin
monstrar le existentia del formas irregular del perfecte participios
o le themas duple in un dictionario basic de interlingua.
Le existentia del formas irregular del perfecte participios in le latino
es probabilemente le resultato del fusion de sonos in parlar los in le
antiquitate. Originalmente illes esseva regular, mais mesmo in antiquitate
le latinos modificava alcunos per parlar los rapidemente o qualcunquemente.
Stan
|