Sender: |
|
X-To: |
|
Date: |
Mon, 30 Mar 1998 03:06:45 -0300 |
Reply-To: |
|
Subject: |
|
MIME-Version: |
1.0 |
Content-Transfer-Encoding: |
quoted-printable |
Content-Type: |
text/plain; charset=iso-8859-1 |
From: |
|
Parts/Attachments: |
|
|
Ignacio Martinez Recari scribeva:
>
> Ecce le proposition que me veniva heri quando io era in le lecto. Proque
> nos non invia nostre receptas a le lista Interlng? Io amarea saper como on
> prepara un "feijoada" o un "raclette", per exemplo. Quando le invio de
> receptas es (sia?) finite, nos pote preparar un libro o pagina web
> meraviliose: "Cocina del Mundo in Interlingua". De accordo?
Pro illes qui pote leger portugese, io trovava alcun receptas al adresse:
http://www.esquadro.com.br/~lu/receitas.htm
Io traduce hic le "Feijoada Completa".
Le parola "feijoada" veni de "feijão" + "-ada". "Feijão" es "phaseolo".
PHASEOLADA COMPLETE:
INGREDIENTES:
- 1kg de phaseolo nigre
- 500g de carne sic
- 500g de lumbo de bove salate
- 1 pede de porco
- 1 aure de porco
- 500g de "linguiça"*
- Oleo
- 1 cipola piccate
- 3 dentes** de alio applattate
- Farina de manioc
- Orange
* "Linguiça" es un tripa de porco stipate con carne de porco.
** Le "capite" (= le bulbo) del alio es componite de varie "dentes".
PREPARATION DEL DIE ANTERIOR:
Pone le phaseolo nigre in immersion in aqua frigide.
In un altere recipiente, pone le carnes in immersion, post lavar los
bastante.
Cambia le aqua duo o tres vices, pro tirar ben le sal.
PREPARATION:
Cocina le phaseolo e le carnes in ollas separate.
Quando le phaseolo sera quasi cocite, junge toto in le mesme olla.
Face un sauce con le oleo, le cipolla e le alio.
Junge al sauce alcun coclearatas de phaseolo, applatta lo e verte lo in le
olla.
Prova le sal.
SERVIR:
Quando toto sera cocite, pone le phaseolo in un terrina e le carnes in un
platto.
Le phaseolada es servite con farina de manioc e trenchos de orange.
Si vos habera alcun dubita quanto al recepta, vos pote questionar me.
Io volerea saper super le disponibilitate del ingredientes in le varie paises:
Forsan alcun ingredientes debera esser substituite?
Bon appetito!!! :^P
--
ENSJO*: EMERSON JOSÉ SILVEIRA DA COSTA
E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
UIN ICQ : 713833 [* "sj" pronunciate "sh"]
INTERLINGUA - lingua auxiliar international
Info : http://www.interlingua.com
Grammar : http://www.nautilus.com.br/~ensjo/interlingua/english.html
|
|
|