Ensjo,
tu debe esser cadite sur un deformation professional de habituate
traductor.
Forsan tu traduce troppo e scribe poco que sia tue.
Tu propone: {plafond => tecto}, ma le Tarentola mauritanica, o geco, gecho,
gechos e gechoes, malaysiano gekoq, face exactemente illo que scribeva
Kjell R.: illo curre in le plafond.
Si illo pote currer in le plafond, a capite in basso, illo certemente
currera anque supra le tecto, ma isto es multo commun intra le animales.
No! Le geco curre contra le plafond.
Io ha vivite un sol nocte con le gecos que se displaciava contra le plafond
e le parietes de mi camera de lecto. Le portero del hotel me assecurava:
illos es innocue!
Illos poteva anque esser innocue, certo que illos non era un bon compania.
In italiano le geco se nomina anque tarantola, como le Lycosa tarentula, o
melio tarantolino. Isto perque on pensava que le geco era velenose como le
tarantola.
Iste vocabularios e iste traductores! Io voleva scriber que es le digitos a
spatula del geco, le quales es munite inferiormente de lamellas adhesive,
que permitte al geco de ir ubi illo vole. Ma io ha discoperite que in mi
Castellina io non ha le termino dito (plural dita) pro finger o toe e, al
fin, digito.
Pro lamella, in Castellina io trova: lamina, in botanica lamella.
Le facto es que solmente lamella es le nomine del texito, tissue, cellulari
animal o vegetal.
Isto debe seliger lo io, qui usa le vocabulario. In breve: le render es un
arte! Quando le traducer, translatar, o altere, deberea esser anque un bon
exercitio.
Le tediose de Mario.


-----Original Message-----
From:   Emerson S Costa [SMTP:[log in to unmask]]
Sent:   Friday, June 09, 2000 11:24 PM

Si tu ha vivite in paises tropical tu ha certo
facite cognoscentia con le gekko, un sauro del
subfamilia geckonidas. Le geckos es multo parve
lacertas que es utile proque illos capta insectos.

Le gecko pote currer sur {surfacies => superficies} vertical et
mesmo in le {plafond => tecto}. Isto es possibile proque le
pedes del gecko ha {traversante => transversal?} plicas de pelle,
coperite per milliones de multe micre capillos que
crea un campo de adhesion electric. Scientificos a
Berkley in California nunc studia le pedes del
geckos pro eventualmente poter construer un multo
efficace adhesivo.

Un centimetro {quadratic => quadrate} de pede de un gecko pote
portar le peso de 20 kilogrammas!

~~~

Interessante articulo, Kjell! :^)

("gecko" [en], "geco" [it], "gekko", o...? Le dictionario anglese
Meriam-Webster [http://www.m-w.com/] cita que le nomine scientific del
familia de iste animales es "Gekkonidae".)

Ensjo.