STAN MULAIK wrote:
>
Io pote solmente supportar me al reportos in nostre medios, e secundo isto mi
reflexion es que le reaction es multo exaggregate e sembla esser le resultato
de manovras te politicos incompetente.

Alcun cosas es clarissime:
Austria ha durante multe annos habite governamentos con coallitiones de alcun
partitos que ha habite le poter in varie constellationes.

Le populo de Austria ha votate in favor del partitos que nunc sede in le
governamento.

Un del ductores del partitos governamental ha facite enuntiationes que indica
stupiditates e incompetentia del politico in question. Ma ille ha
evidentemente ganiate voces per su enuntiationes. Mantenente que le populo de
Austria apparentemente non es idiotas o infantes illes ha facite le election e
debe assumer le responsabilitate.

Sedente in le governamento on va vider que il non es tanto facile ejectar
immigrantes ex le pais, mesmo si on lo vole facer pro satisfacer un parte del
electorato. Austria es le prime pais ubi personas con tal ideas ha attingite
le governamento, ma illo non es le prime pais ubi on ha publicate tal
pensatas. Francia e Danmark pote esser citate, e Svedia ha habite tal
tendentias anque, ma ille partitos non ha vadite plus proxime al governamento
in Svedia.

Como membro del Union Europee Austria ha acceptate un numero de accordos que
lo rende impossibile realisar le politica promittite, per le qual on ha
ganiate le loco in le governamento. Le union pote facilmente batter le mano in
le tabula e dicer _stop!_ si Austria vole effectuer lo que le partito del
libertate ha promittite!

On debe acceptar un election democratic, e le votatores debera assumer le
responsabilitate como illes ha votate. Votar non es como responder a
questiones in un sondage de opinion. Tunc on pote dicer que on pensa pro le
momento, ma in un election democratic on porta responsabilitate.

Le politicos qui protesta le election del ductor del partito del libertate
evidente non comprende isto, e a mi aviso isto es le plus terribile cosa.

Sedente in le governamento le politicos comprendera que il es un altere cosa
esser oppositionales e un totalmente altere cosa effectuer le politica!

Amicalmente
Cellus Purfluvius