A. Artorius Arius Sarmaticus <[log in to unmask]> scribeva:

>Si. Sape vos qui cita Bernasconi in iste citation ab "Interlingua au
>Esperanto"? Qui ex interlinguistas o occidentalistas? Qui es le
>"representative importante de Neo-Romanticismo"?

A mi aviso, il esseva Edgar de Wahl, le autor de Occidental/Interlingue,
qui parlava de "un expression typic del cultura del racias blanc." On debe
considerar que ille parlava in le annos vinti, ante le nazis e le
Holocausta, ubi le parola "racia" non esseva cargate con le connotationes
pessime que illo acquireva plus tarde. A ille epocha "racia" esseva plus
tosto un synonymo de "nation" o "populo" o "gruppo ethnic" quam un termino
in le pensario del (pseudo-) "scientia racial" que ha inspirate Hitler e
alteres. Nota que ille diceva "racias blanc" e non "le racia blanc". Hodie
nos dicerea "populos europee", "nationes occidental" e alco simile. Il es
ver que le phrase "racias blanc" pare exclude certe gruppos (como le
african-americanos de USA) qui es co-hereditores del cultura de West, ma
isto (io opina) es plus tosto un maniera de parlar alquanto eurocentrista
(de Wahl habitava Estonia) quam un expression de prejudicio racial.

Amicalmente,

Chris Burd