Il ha certe avantages in reciper appoio financial del governamento.  Mais
ha le governamento necun interesse in qual maniera le moneta es expendite?
E esque il es possibile pro organizationes que non es ancora popular
a reciper moneta pro lor activitates?

Il es interessante que in le scholas scandinave, le studentes vota pro
iste o aquelle professor per attender o non attender su classes. Mais
in le Statos Unite, le institution require le classes, e pro reciper lor
diplomas, le studentes debe attender certe classes.  De plus un professor
pote continuar su classes mesmo con un numero minime de studentes.

In le Statos Unite un major discussion politic es super le immixtion
del governamento in le vitas del populo.  Alcunos opina que le
governamento es mermente un medio pro le politicos professional a
obtenir le poter. Multe commerciantes objice al immixtion in lor
activitates per le numerose reportos al governamento que illes debe
preparar (que es un costo de facer le commercio hodie).  Il ha equalmente
un sentimento que certe regulationes governamental es innecesse mais
expensive e car.

Como un professor io sape que le costo de un education universitari ha
crescite multo, per le costo de administratores pro facer le reportos
al governamento, e per implementir leges.  Le education non ha meliorate
se per tote le regulationes administrative.  E le costo de matriculation
es plus alte.

Stan Mulaik